G. Q. Hasanova, Z. B. Jalilov

Mavzuni takrorlash va mustahkamlash uchun savollar hamda topshiriqlar:

1. 
   Mutaxassislik fanlar mazmunini belgilovchi me’yoriy hujjatlarni ayting.
   
2. 
   Maktabgacha ta’lim bakalavr yo‘nalishining malaka talablarini o‘qib tahlil qiling.
   
3. 
   Davlat ta’lim standarti nima?
   
4. 
   Klassifikator nima?
   
5. 
   DTS qanday shakllantiriladi?
   
6. 
   Zamonaviy o‘quv adabiyotlarini ishlab chiqishga qanday talablar qo‘yiladi?
   
7. 
   Darslikning kirish qismida nimalar keltiriladi?
   
8. 
   Darslikning asosiy matni tuzilishini tushuntiring.
   
9. 
   Darslikdagi qo‘shimcha materiallarga nimalardan iborat bo’lishi mumkin?
   
10. 
    Darslikning tushuntirish matni mazmuni nimadan iborat bo’ladi?
    

5-MAVZU. O’QUV REJASINING TUZILISHI, FAN DASTURIGA QOYILADIGAN TALABLAR, FAN BO‘YICHA ISHCHI REJANING TUZILISHI.
Tayanch iboralar: o’quv rejasi, o’quv rejasining tuzilishi, fan dasturi, fan dasturiga qoyiladigan talablar, ishchi o‘quv rejasi, ishchi fan dasturi, fan bo‘yicha ishchi rejaning tuzilishi.
5.1. Maktabgacha ta’lim bakalavriat ta’lim yo‘nalishi o‘quv rejasi va fan dasturlari
Maktabgacha ta’lim bakalavriat ta’lim yo‘nalishi o‘quv rejasi va fanlar dasturlari umumiy o‘rta va o‘rta maxsus, kasb-hunar ta’limi bilan uzluksizlik va uzviylik ta’minlanishini inobatga olgan holda ishlab chiqilishi va talabalarning quyidagi majburiy fanlar bloklarini o‘zlashtirishini nazarda tutishi zarur:
gumanitar va ijtimoiy-iqtisodiy; umumkasbiy; ixtisoslik; ko‘shimcha.
Kasb faoliyati ko‘nikmalarini egallash uchun malaka amaliyotlari tilishi nazarda tutilishi shart.
O‘quv rejalar majburiy o‘quv fanlari bilan bir qatorda talabalar tanlagan fanlarni ham o‘z ichiga olishi shart.
Bakalavriat ta’lim yo‘nalishi o‘quv rejasi va fanlar dasturlarini o‘zlashtirishda talabalarning o‘quv fanlariga oid bir qancha masalalar va muammolar bo‘yicha mustaqil bilim olishi nazarda tutilishi lozim.
Bakalavriat ta’lim yo‘nalishi o‘quv rejasiga muvofiq ravishda yakuniy davlat attestatsiyasi bilan tugallanishi shart.
O‘quv rejaga kiritiladigan ixtisoslikka oid fanlarning amaliy va laboratoriya mashg‘ulotlari oliy ta’lim muassasasi, bazaviy tashkilot va korxonalarda o‘tkaziladi.
Nazariya va amaliyot yaxlitligiii ta’minlash uchun talabalarning malakaviy amaliyotlari ta’lim muassasalari, bazaviy tashkilot va korxonalarda o‘tkazidadi.