Vujudga kelmoqchun taqdir qilgan on O’tdingiz nur bo’lib zamonalardan

Vujudga kelmoqchun taqdir qilgan on
O’tdingiz nur bo’lib zamonalardan
Kim bor yana baxtliroq bo’lib nurafshon
Nuringiz joy olgan peshonalardan

Kelganda nur Abdullohga yetibon

To’lin oydek porladi u begumon
Nasab oliy barchalari pokdomon
Tizilgandi tiniq marjonalardan

Abdullohga zavja bo’ldi Omina

Shu tariqa nurga to’ldi Omina
Qanchalari dog’da qoldi Omina
Buni so’rang aqli xayronalardan

Ominani tashlab ketdi Abdulloh

Ko’zlarini yoshlab ketdi Abdulloh
Yuragini g’ashlab ketdi Abdulloh
Ayrilmasin hech kim hamxonalardan

Ko’nglingizga alam sitam yig’ilganda

Eslab qo’ying dardu g’amdan bo’g’ilganda
Rasullolloh yetim bo’lgan tug’ilganda
Izlang haqni dili vayronalardan

Olti yoshda onasiga bo’lib hamroh

Madinaga otlandilar bir kun nogoh
Otasining qabriga tushganda nigoh
So’ylang menga dili g’amxonalardan

Shunchalar bo’lurmu yosh go’dak sabri

Bo’ldiku ziyoda yetimlik jabri
Ona ham tark etdi avvoda qabri
Xabar olib turing xilxonalardan

Kichiklikdan namoyondur xulq odob

Gulgun chehralari misoli oftob
Amindur laqabi rostgo’ylik sabab
Emas edi nafs uchun giryonalardan

Qirq yoshiga yetganida ul janob

Ko’rdilarki dunyo,bir quruq sarob
Sutxo’rlik avjida zinoyu sharob
Shirk va fasod anqir mayxonalardan

Oshiyon qilib shunda Hiro g’orini

Oshiqlar topgandek zebo yorini
Haqqa izhor qildi dilda borini
Izlanmas haqiqat koshonalardan

Qilardilar ibodat Ibrohimdek

Borardilar uyga goh gohida lek
Keching endi boshqa afsonalardan
Chunki nozil bo’ldi hozir bir kalom
Tog’larga yuklansa bo’larlar tamom
Lek qalbi ummon zot Alayhissalom
Etdi qabul edi Mardonalardan

Shu ondan boshlandi haqqa chaqiriq

Garchi eshitdilar ozor baqiriq
Bir zumga tinmadi qutlug’ hayqiriq
Gar Islom tarqadi bir donalardan

Bu yo’lda chekdilar zahmat qanchalar

Eshitdi bo’xtonu tuxmat qanchalar
O’zimga kelmadim ancha anchalar
Bo’lsamda amali fisqonalardan

Shulardan birini hozir eslasam

Tarix sari ulovimni tezlasam
Demay turing vaqtim olding to’xtasan
O’zim bo’lay sizga parvonalardan

Toifga bordingiz Makkadan bezib

Berarmikan yordam qo’llarin cho’zib
Haydadilar musaffo dilingiz ezib
Najot yo’q yaqinu begonalardan

Turib olib yo’l chetiga yalang yoshlar

Tosh otishar haqoratlab bu avboshlar
Kavushingiz qonga to’ldi tegib toshlar
Yetdi zulm hatto devonalardan

Bugungidek yurganimdan zor hayron

Yaxshi edi bo’lsam sizga temir qalqon
Garchi qo’limdadur mustahkam arqon
Farqi yo’q man cho’ldagi sarsonalardan

Topilmaydi hech ishimda ravishingiz

Rozi edim bo’lsam sizning kavushingiz
Emasmidi sunnat bizga har ishingiz
Bizchi ibrat oldik g’arbonalardan

Sahobalar siz edingiz sodiqlar

Payg’ambarga chin ko’ngildan oshiqlar
Chidadingiz qancha o’tdi ur yiqlar
Zavq oling Jannatda rayxonalardan

Bizga kerak hozir Umar tayog’i

Osh bo’lsa bas bizga qo’y go’sht qo’y yog’i
Chiqmay qo’ydi bugun ummat oyog’i
Choyxona to’yxona barxonalardan

Garchi holimizdan qilsakda uyat

Bittagina umid bor qaniydi shoyad
Qiyomatda nasib qilsa shafoat
Bo’lar edik xurram mastonalardan

Duo qiling haqqimizga yo rasul

Hadis rivoj topsin ilmu fiqh usul
Ilmu ibodatdan topaylik huzur
Masjidlar yashnasin xatmonalardan

Madhingizdan ojiz qolgach qalamlar

Yuborurmiz sizga salot salomlar
Mavlidingiz nishonlagan xush damlar
Toshkendu Andijon Farg’onalardan