Все права принадлежат "Bogdan" и "Rayfer"

Tadqiqotning ilmiy yangiligi: O’zbek xalq pedagogikasi milliy g’oyalarining yuksalish jarayonlari va rivojlanishi asoslandi; o’zbek xalq pedagogikasi va diniy ta’limotlarga tavsif berildi; xalq an’analarining rivojlanish xarakteri asoslandi; tadqiqot yuzasidan tajriba-sinov ishlari tashkil etildi va yakunlariga oid pedagogik xulosalar tayyorlandi.
Tadqiqotning nazariy ahamiyati. O’zbek xalq pedagogikasi va islom ta’limoti g’oyalarini pedagogik jihatdan o’rganish tizimi uchun qo’shimcha ma’lumotlar yig’ildi.
Tadqiqotning amaliy ahamiyati. birinchidan, xalq og’zaki ijodiyotini o’rganish ko’p millatli xalq pedagogikasi tarixida o’zbek xalq an’analarining tutgan o’rnini aniqlash imkonini beradi; ikkinchidan, xalq pedagogikasi g’oyalarini ilmiy
tahlil qilish va obyektiv baholash pedagogika tarixi, ya’ni uning asosiy qismi bo’lgan etnopedagogika bo’yicha nazariyalarning keyingi rivojiga yo’l ochadi; uchinchidan, xalq pedagogikasi va islom ta’limoti o’rtasidagi ilmiy bog’liqlik manbalari o’rganiladi hamda tahlil qilinadi.
Ishning sinovdan o’tishi (aprobasiyasi). Dissertatsiya A.Navoiy nomidagi Samarqand DU Pedagogika fakulteti Ilmiy kengashi va Pedagogika kafedrasi umumiy yig’ilishlarida muhokama etilgan. Tadqiqotning olib borilishi yuzasidan A.Navoiy nomidagi Samarqand DU Pedagogika fakulteti professor-o’qituvchilari va talabalari jalb etilgan holda 2011 yil noyabr-dekabr oylarida tajriba-sinovlar o’tkazilgan. Mazkur dissertatsiya 2012 yil 15-mayda Pedagogika kafedrasi (№ 7, 2012.) yig’ilishi qarori bilan himoyaga tavsiya etilgan.
Natijalarning e’lon qilinganligi: Tadqiqot jarayoni va natijalari asosida respublika matbuotida ilmiy konferensiyalarda 2 ta maqola e’lon qilingan.

Himoyaga olib chiqilayotgan holatlar:

1. 
   O’zbek xalq pedagogikasi milliy g’oyalari rivojlanishining asoslari;
   
2. 
   O’zbek xalq pedagogikasi va diniy ta’limotlar tavsifi;
   
3. 
   Xalq an’analarining rivojlanish xususiyatlari;
   
4. 
   Tadqiqot yuzasidan o’tkazilgan tajriba-sinov ishlari;
   
5. 
   Tadqiqot yakunlariga oid tayyorlangan pedagogik xulosalar.