Все права принадлежат "Bogdan" и "Rayfer"

BOB. XALQ PEDAGOGIKASI VA ISLOM TA’LIMOTI

NAZARIYASINING MAZMUNI 42

1. 
   Xalq an’analarining rivojlanish mazmuni va xususiyatlari 42
   
2. 
   Xalq pedagogikasi va islom dini manbalarining tarbiyaviy roli 51
   
3. 
   O’zbek xalq pedagogikasi va islom ta’limoti ijtimoiy-pedagogik g’oyalarini tahlil etishga qaratilgan pedagogik tajriba-sinov ishlari 62
   

Ikkinchi bob bo’yicha xulosalar 66
UMUMIY XULOSALAR 68
FOYDALANILGAN ADABIYOTLAR RO’YXATI 71

K I R I S H

Mustaqillikka erishganimizdan keyin xalqimizning o’z yurti, tili, madaniyati, qadriyatlari tarixini bilishga, o’zligini anglashga qiziqishi ortib bormoqda. Bu tabiiy hol. Odamzod borki, avlod-ajdodi kimligini, nasl - nasabini, o’zi tug’ilib, voyaga yetgan Vatanining tarixini, an’analarini, urf - odatlarini bilishni istaydi.

Gazetalarda, jurnallarda yoki televideniye orqali oila muammolari. yoshlar tarbiyasi, ijtimoiy hayot bilan bog’liq masalalar muntazam ravishda muhokama etilib bormoqda.
Eng muhimi, O’zbekiston Respublikasining «Ta’lim to’g’risida»gi Qonunda,
«Kadrlar tayyorlash milliy dasturi»da belgilangan vazifalarni bajarish barcha fuqarolarning ishiga, ya’ni umumxalq, umummillat ishiga aylandi. Kadrlar tayyorlash milliy dasturi mamlakatning strategik maqsadi - taraqqiy etgan demokratik, huquqiy davlat va fuqarolik jamiyati qurishning asosi bo’lib qoldi. Uzluksiz ta’lim turlari to’g’risidagi Nizomlar hayotga tatbiq etilmoqda. Uzluksiz va uzviy ta’lim jarayoni uchun Davlat ta’lim standartlari, o’quv reja va dasturlarini joriy etish tartibi belgilandi va mexanizmlari ishlab chiqildi:
Birinchidan, amalga oshirilgan chora - tadbirlar ijtimoiy - siyosiy iqlimga ijobiy ta’sir qildi, mamlakatda mavjud muhitni tamoman o’zgartirib yubordi.
Ikkinchidan, ta’limning yangi modeli insonning hayotda o’z o’rnini topish jarayonini tezlashtirdi.
Uchinchidan, ta’limning yangi modeli jamiyatda mustaqil fikrlovchi shaxsni shakllantirishga olib keldi.
To’rtinchidan, ta’limning yangi modeli jamiyatimizning yangi ma’naviy salohiyatini ro’yobga chiqarishda muhim ahamiyat kasb etdi.
Hayotimizning barcha jabhalarida shaharlarimiz, qishloqlarimiz, ishlab chiqarish va iqtisodiyotning butun boshli yirik tarmoqlarida kishini lol qoldiradigan o’zgarishlar ro’y bermoqda. Bir so’z bilan aytganda, yangilanish, islohotlar jarayoni amalda turmushimizning deyarli barcha siyosiy, ijtimoiy - ma’naviy, iqtisodiy, sohalari, jamiyat va davlat qurilishi sohalarini qamrab olmoqda.