«воспитание нового поколения в эпоху глобального преобразования: вызовы и перспективы»

dasturlarning bir nechta seriyalari 
yaratilgan. Ularning pedagogik 
yo‘naltirilganligidan kelib chiqib quyidagi guruhlarga bo‘lish mumkin:
1. 
Ta’limiy
– predmetli tavsifga ega: ularga o‘quv fanlarining muayyan turlari (matematika, ona tili va 
chet tillari, musiqa)ga o‘rgatuvchi elementar dasturlar kiradi, ularda taqdim qilingan o‘yinlarning mazmuni 
va tartibi aniq belgilab berilgan. 
2. 
Rivojlantiruvchi
– bolalarni ijodiy mustaqil o‘yinlarga hamda tengdoshlari bilan muloqot qilishga 
chaqiradi: bolalarning o‘zlari o‘yinli vazifalarning yechimini topish yo‘llarini qidiradi, sujetlarni hamda ularni 
taqdim etish vositalarini tanlashda erkin bo‘ladi. 
3. 
Diagnostik 
– bolaning u yoki bu ko‘nikmalari, qobiliyat va qiziqishlari darajasini aniqlash imkoniyatini 
beradi. 
Fikrimizcha, kompyuter vositalaridan foydalanish quyidagi vazifalarni hal etish imkoniyatlari topilganda 
bolalar ruhiy rivojlanishining saqlanishi omili
bo‘lib hisoblanadi: 
• ta’lim olishga tayyorligini ta’minlovchi psixik-jismoniy funksiyalarning rivojlanishi (mayda motorika, 
optik-fazoviy yo‘nalganlik, ko‘rish-motor koordinatsiyasi);
• dunyoqarashining kengayishi;
• ijtimoiy rollarni o‘zlashtirishiga yordam;
• o‘quv motivatsiyaning shakllanishi; 
• bilish faoliyatining shaxsga xos komponentlari rivojlanishi (bilish sohasi faolligi, mustaqillik, 
mahsuldorlik);
• yoshiga mos aqliy malakalarning shakllanishi;
• qulay predmetli va ijtimoiy muhitni tashkil etish. 
Kompyuterda ishlash jarayonida ko‘z gimnastikasi. 
Kompyuter o‘yinlari majmuasida oldindan 
devorlarning yuqori qismlarida, burchaklarida, markaz qismida yorqin jihozlar ilib qo‘yiladi. Ular o‘yinchoq 
yoki rangli rasmlar bo‘lishi mumkin (4–6ta jihoz). O‘yinchoqlar (rasmlar) shunday tanlanilishi kerakki, 
ular yagona o‘yin sujetini hosil qilsin. Vaqti-vaqti bilan ularni o‘zgartirib turish lozim. Masalan, devorning 
markaziga mashina (yoki kapalak) joylashtiriladi. Ship ostidagi burchaklarda – rangli garajlar. Bolalarga ko‘z 
qiri bilan mashinaning garajga yoki ta’mirlash joyiga kirib ketayotganligini tasavvur qilish taklif qilinadi. 
Kapalak guldan gulga uchib o‘tayotgan bo‘lishi mumkin.