Ворислик ҳУҚУҚи амалий қўлланма Baktria press

Суд ишни даъвогарнинг арз қилган 
талаблари доирасида ҳал қилади
.
С.Охепкова жавобгар Т.Кизенкога нисбатан даъво ариза билан 
судга мурожаат қилиб, олди-сотди шартномасига кўра низоли уй ўзига 
тегишли бўлса-да, жавобгар уйдан ҳайдаб юборганлигини кўрсатиб, 
жавобгарни уйдан кўчиришни сўраган. 
Т.Кизенко қарши даъво қўзғатиб, отаси Н.Кривицкий низоли 
уйни ўғли Б.Кизенкога васият қилиб қолдирганлигини, С.Охепкова 
фирибгарлик йўли билан уйни ўзининг номига расмийлаштириб 
олганлигини кўрсатиб, уй олди-сотди шартномасини ҳақиқий эмас деб 
топишни сўраган.
В.Кудряева жавобгар С.Охепковага нисбатан даъво билан 
мурожаат қилиб, Н.Кривицкий билан 1993 йилда қонуний никоҳдан 
ўтиб турмуш қурганлигини, низоли уй сотилишида розилиги 

---

ВОРИСЛИК ҲУҚУҚИ
170
олинмаганлигини кўрсатиб, низоли уй олди-сотди шартномасини 
ҳақиқий эмас деб топишни сўраган.
Туманлараро судининг 2003 йил 31 майдаги ҳал қилув қарорига 
кўра С.Охепкованинг даъвоси рад қилинган. Т.Кизенконинг қарши 
даъвоси қаноатлантирилиб, С.Охепкова билан Н.Кривицкий ўртасида 
2002 йил 17 сентябрда тузилган олди-сотди шартномаси ҳақиқий 
эмас деб топилган. Н.Кривицкийнинг Б.Кизенко номига қолдирган 
васиятномаси ҳақиқий деб топилган. В.Кудряеванинг даъвоси рад 
қилиниб, у меросдан четлаштирилган.
Кассация инстанциясининг 2004 йил 24 февралдаги ажрими билан
суд қарори ўзгаришсиз қолдирилган.
Олий суд фуқаролик ишлари бўйича судлов ҳайъатининг 2005 
йил 11 июлдаги ажрими билан қуйидаги асосларга кўра кассация 
инстанциясининг ажрими бекор қилиниб, иш янгидан шу инстанция 
судида кўриш учун юборилган.
Аниқланишича, Н.Кривицкий шаҳар ҳокимлигининг қарорига кўра 
ўзига тегишли бўлган уйни 1995 йил 26 июнда Б.Кизенкога нотариал 
тартибда васият қилган. 2001 йил 14 майда ўзи ушбу васиятномани 
бекор қилган.
Васиятномани ҳақиқий деб топиш, В.Кудряевани меросдан 
четлаштириш ҳақида даъво қўзғатилмаган бўлсағда, суд даъво 
доирасидан чиқиб, 2001 йилда нотариал тартибда бекор қилинган 
васиятномани ҳақиқий деб топиб, мерос қолдирувчининг турмуш 
ўртоғини меросдан четлаштириб, процессуал хатоликка йўл қўйган.
Ваҳоланки, Ўзбекистон Республикаси ФПКнинг 207-моддасига кўра 
суд ишни даъвогарнинг арз қилган талаблари доирасида ҳал қилиши 
лозим эди.
Фсҳ-304-05-сонли ажрим