Ворислик ҳУҚУҚи амалий қўлланма Baktria press

ВОРИСЛИК ҲУҚУҚИ
166
Апелляция инстанцияси суди ҳам ушбу камчиликларга эътибор 
қилмасдан суд қарорини ўзгаришсиз қолдирган.
Р-124-03-сонли қарор
Қонун бўйича меросхўрлар ворисликка 
навбати билан чақирилади. Аввалги 
навбатдаги 
меросхўрлар 
бўлмаган 
тақдирдагина 
кейинги 
навбатдаги 
ворислар ворислик ҳуқуқига эга бўлади.
Н.Мажидова жияни Т.Шокировни оила аъзолари билан мерос 
уйдан кўчириш ҳақидаги даъво талаби билан судга мурожаат қилган. 
Жавобгар Т.Шокиров Н.Мажидова номига берилган васиятномани 
ва мерос гувоҳномасини ҳақиқий эмас деб топиш ҳақида қарши даъво 
келтирган.
Туманлараро судининг 2003 йил 10 мартдаги ҳал қилув қарорига 
кўра Н.Мажидованинг даъвоси қаноатлантирилган. Т.Шокиров ва 
унинг оила аъзолари низоли уйдан кўчирилган. 
Т.Шокировнинг қарши даъвоси рад қилиниб, унга уй-жой қурилиши 
билан харажатларини ундириш ҳақида даъво қўзғатиш ҳуқуқи 
тушунтирилган.
Вилоят суди апелляция инстанциясининг 2003 йил 19 июндаги 
ажрими билан ҳал қилув қарори ўзгаришсиз қолдирилган.
Ўзбекистон Республикаси Олий суди фуқаролик ишлари бўйича 
судлов ҳайъатининг 2004 йил 14 июндаги ажрими билан қуйидаги 
асосларга кўра мазкур иш бўйича чиқарилган суд қарорлари бекор 
қилиниб, иш янгидан биринчи инстанцияда кўриш учун юборилган.
Аниқланишича, Ш.Бўронов 1987 йилда ўзи яшаб келган уй-жойни 
қизи Н.Мажидовага васият қилиб қолдирган. Васиятнома «Деҳбед» 
қишлоқ совети котиби томонидан расмийлаштирилиб, Н.туман давлат 
нотариуси томонидан Н.Мажидовага мерос гувоҳномаси берилган. 
Ўзбекистон Республикаси ФПКнинг 42-моддаси талабига мувофиқ 
суд арз қилинган талаб уни илгари суриш ҳуқуқига эга бўлмаган 
шахс томонидан ёки даъвогарнинг аризаси бўйича жавоб бериши 
лозим бўлмаган шахсга нисбатан тақдим этилганлигини аниқласа, 
даъвогарнинг розилиги билан дастлабки даъвогар ёки жавобгарни 

---

167
ишга дахлдор даъвогар ёки жавобгар билан алмаштирилишига йўл 
қўйиши мумкин.
Ўзбекистон Республикаси ФКнинг 1135-моддаси талабига мувофиқ 
қонун бўйича биринчи навбатдаги ворислар даъвогар Н.Мажидованинг 
опалари ҳамда жавобгар Т.Шокировнинг онаси ва холалари мавжуд 
бўла туриб, Т.Шокиров иккинчи даражали меросхўр ҳисобланган 
ҳолда даъво билан судга мурожаат этганлиги ҳолатига судлар баҳо 
бермасдан, Т.Шокировнинг даъво талабини мазмунан кўриб, рад этиш 
ҳақида хато тўхтамга келган.
Фсҳ-293-04-сонли ажрим