Ворислик ҳУҚУҚи амалий қўлланма Baktria press

Минск Конвенциясининг 48-моддасида қуйидаги мерос қилиб 
олиш ишлари ваколати белгиланган:
1. Кўчар мулкни мерос қилиб олиш ҳақидаги ишлар бўйича кўриб 
чиқишни мерос қолдирувчи вафот этган вақтда ҳудудида турар жойга 

---

119
эга бўлган Аҳдлашувчи Томоннинг муассасалари олиб боришга 
ваколатлидир.
2. Кўчмас мулкни мерос қилиб олиш ҳақидаги ишлар бўйича кўриб 
чиқишни мулк жойлашган ҳудуддаги Аҳдлашувчи Томон муассасаси 
кўриб чиқишга ваколатлидир.
3. Ушбу модданинг 1- ва 2-бандларидаги қоидалар мерос 
тўғрисидаги ишлар кўриб чиқиладиган ишлар муносабати билан пайдо 
бўладиган низоларни кўриб чиқишда ҳам қўлланилади. 
Мерос қилиб олиш ишлари бўйича дипломатик ваколатхона ёки 
консуллик муассасасининг ваколати ҳам Минск Конвенциясида 
белгиланган бўлиб, 49-моддасига кўра мерос қилиб олиш ишлари 
бўйича, шу жумладан, мерос қилиб олиш низолари бўйича 
Аҳдлашувчи Томонлардан ҳар бирининг дипломатик ваколатхонаси 
ёки консуллик муассасаси, меросдан воз кечиш ҳуқуқини истисно 
қилганда, ўз давлатининг фуқароларини, агар улар бўлмасалар 
ёки вакил тайинламаган бўлсалар, бошқа Аҳдлашувчи Томоннинг 
муассасаларида махсус ишончнома қоғозисиз ифодалаш учун 
ваколатлидир.
Шунингдек, 
Минск Конвенциясида меросни муҳофаза қилиш 
чоралари ҳам белгиланган. Хусусан, 50-моддасига мувофиқ 
қуйидаги меросни муҳофаза қилиш чоралари белгиланган.
1. Аҳдлашувчи Томонлар муассасалари ўз қонунчиликларига 
мувофиқ бошқа Аҳдлашувчи Томон фуқаролари томонидан ўз 
ҳудудларида қолдирилган меросни муҳофаза қилиш ёки унга эгалик 
қилиш учун зарур чора-тадбирлар кўрадилар. 
2. Ушбу модданинг 1-бандига мувофиқ кўрилган чоралар тўғрисида 
мерос берувчи фуқароси ҳисобланадиган Аҳдлашувчи Томоннинг 
дипломатик ваколатхонаси ёки консуллик муассасаси тезда хабардор 
қилинади. Кўрсатилган ваколатхона ёки муассаса ушбу чора-
тадбирларни амалга оширишда иштирок этиши мумкин.
3. Ушбу модданинг 1-бандига мувофиқ кўрилган чора-тадбирлар 
мерос қилиш тўғрисидаги ишни амалга оширишга ваколати бўлган 
адлия муассасаси, шунингдек дипломатик ваколатхона ёки консуллик 
муассасасининг илтимосига кўра ўзгартирилиши, бекор қилиниши ёки 
қолдирилиши мумкин.
Мазкур Минск Конвенциясида назарда тутилган кўпчилик 
нормалари кейинчалик Ўзбекистон Республикаси ва бошқа давлатлар 
ўртасида тузилган халқаро шартномаларида ҳам ўз аксини топган.

---

ВОРИСЛИК ҲУҚУҚИ
120
Масалан, 
Ўзбекистон Республикаси ва Қозоғистон Республикаси 
ўртасида
1997 йил 2 июнь куни Алмати шаҳрида тузилган