Ворислик ҳУҚУҚи амалий қўлланма Baktria press

Судлар амалиётда қўлланаётган халқаро ҳуқуқий нормалар 
қуйидагилардан иборат:
1993 йил 22 январда Минск шаҳрида имзоланган 
“Фуқаролик, 
оилавий ва жиноий ишлар бўйича ҳуқуқий ёрдам ҳамда ҳуқуқий 
муносабатлар тўғрисида”
ги Конвенцияда (кейинги ўринларда
“Минск Конвенцияси”, деб юритилади) Ўзбекистон ҳам томон 

---

ВОРИСЛИК ҲУҚУҚИ
118
ҳисобланади. Ушбу Минск Конвенцияси Ўзбекистон Республикаси 
Олий Кенгашининг 06.05.1993 йилдаги 825-XII-сонли қарори билан 
ратификация қилинган ва Ўзбекистон учун 1994 йил 19 майдан 
бошлаб қонуний кучга кирган.
Минск Конвенциясининг 44-моддасига мувофиқ, ҳар бир 
Аҳдлашувчи Томоннинг фуқаролари бошқа Аҳдлашувчи Томон 
ҳудудида қонун бўйича мулк ёки ҳуқуқни қонун ёхуд васиятнома 
бўйича ушбу Аҳдлашувчи Томон фуқароларидай тенг шартларда ва 
ҳажмда мерос қилиб қолдиришлари мумкин.
Минск Конвенциясининг 45-моддасида мерос қилиб олиш 
ҳуқуқи назарда тутилган. Ушбу моддага кўра:
1. Мулкни мерос қилиб қолдириш ҳуқуқи, ушбу модданинг
2-бандида назарда тутилган ҳоллардан ташқари, мерос қилиб 
қолдирувчи ҳудудида охирги турар жойига эга бўлган Аҳдлашувчи 
Томоннинг қонунчилиги бўйича белгиланади.
2. Кўчмас мулкни мерос қилиб қолдириш ҳуқуқи мулк ҳудудида 
жойлашган Аҳдлашувчи Томоннинг қонунчилигига кўра белгиланади.
Минск Конвенциясида мероснинг давлатга ўтиши тўғрисидаги 
ҳуқуқий норма ҳам назарда тутилган. 46-моддага мувофиқ агар мерос 
қолдиришда қўлланилиши керак бўлган Аҳдлашувчи Томоннинг 
қонунчилиги бўйича меросхўр давлат бўлса, унда мерос қилиб 
қолдирилган кўчар мулк вафот этган вақтда мерос қолдирувчи 
фуқароси ҳисобланган Аҳдлашувчи Томонга ўтади, мерос қилиб 
қолдирилган кўчмас мулк эса ўзи жойлашган ҳудудда Аҳдлашувчи 
Томонга ўтади.
Минск Конвенциясининг 47-моддаси васиятномага бағишланган 
бўлиб, унга кўра шахснинг васиятнома тузиш ва уни бекор қилиш 
қобилияти, шунингдек васиятноманинг шакли ва уни бекор қилиш 
тартиби далолатнома тузиш вақтида васият қилувчи яшаш жойига 
эга бўлган давлат ҳуқуқи бўйича белгиланади. Бироқ васиятнома ёки 
уни бекор қилиш агар васиятнома уни тузиш жойи ҳуқуқи талабларини 
қондирса, унинг шаклига риоя қилинмаганлиги боис ҳақиқий эмас деб 
топилиши мумкин эмас.