Ворислик ҳУҚУҚи амалий қўлланма Baktria press

ВОРИСЛИК ҲУҚУҚИ
104

---

105
Давлат божи ариза, даъво аризаси, шикоят судга берилгунга қадар 
тўланади, агар қонунда бошқача белгиланмаган бўлса (масалан, 
тўловчи давлат божини тўлашдан озод қилинган, давлат божи тўлаш 
кечиктирилган ёки бўлиб-бўлиб тўланадиган ҳолларида).
Давлат божи нақд пулсиз шаклда тўланганлиги факти банкнинг 
тўлов қабул қилинганлиги тўғрисидаги белгиси бўлган тўлов 
топшириқномаси билан тасдиқланади.
Давлат божи нақд пул шаклида тўланганлиги факти банк 
томонидан тўловчига бериладиган белгиланган шаклдаги квитанция 
билан ёки Ўзбекистон Республикаси Молия вазирлиги ва Ўзбекистон 
Республикаси Давлат солиқ қўмитаси белгилаган шаклда давлат 
божини қабул қилган ташкилот ёки мансабдор шахс томонидан 
тўловчига бериладиган квитанция билан тасдиқланиши керак.
Агар муайян судда кўрилиши керак бўлган бир неча аризалар 
бўйича давлат божи бир тўлов топшириқномаси билан тўланган 
бўлса, тўлов топшириқномаси ишлардан бирига илова қилинади. 
Қолган ишларга судья томонидан тўлов топшириқномаси санаси ва 
рақами кўрсатилган ҳамда тўлов топшириқномаси қўшиб қўйилган 
ишга ҳавола қилинган ҳолда давлат божи тўланганлиги тўғрисида 
белги қўйилади (маълумотнома тузилади).
Тўланиши шарт бўлган давлат божи миқдори аризачи судга 
мурожаат қилаётган талабнинг хусусиятига (мулкий ёки номулкий) 
боғлиқ бўлади ва Ўзбекистон Республикаси Вазирлар Маҳкамасининг 
1994 йил 3 ноябрдаги 533-сонли қарори билан тасдиқланган Давлат 
божи Ставкаларининг 1-бандига мувофиқ белгиланган ставкалар 
бўйича аниқланади.
Вазирлар Маҳкамасининг 1994 йил 3 ноябрдаги 533-сонли қарори 
билан тасдиқланган Давлат божи Ставкалари 4-бандининг з) кичик 
бандига кўра, нотариуслар васиятномаларни тасдиқлаганлик учун энг 
кам ойлик иш ҳақининг 5 фоизи миқдорида давлат божи ундирадилар. 
Шунингдек, мазкур банднинг и) кичик бандига мувофиқ меросга 
эгалик ҳуқуқи ҳақида гувоҳнома берганлик учун нотариуслар:
–
биринчи навбатдаги ворисларга – мерос суммасининг 0,1 % 
миқдорида;
–
иккинчи навбатдаги ворисларга – мерос суммасининг 0,5 % 
миқдорида;
–
қолган меросхўрларга – мерос суммасининг 2 % миқдорида 
давлат божини ундирадилар. 

---