Ворислик ҳУҚУҚи амалий қўлланма Baktria press

ВОРИСЛИК ҲУҚУҚИ
28
келиб чиқиб, мерос очилган жой аниқланади. Масалан, 
ушбу мол-
мулклар агар мерос қолдирувчи вафотидан олдин ижарага олган 
квартирада бўлса, ушбу квартира жойлашган жой мерос очилган 
жой ҳисобланади.
1
Мол-мулкнинг асосий қисми жойлашган жой мерос очилган жой деб 
ҳисобланади. 
Масалан, 
Жиззах вилоятининг чекка қишлоғида жойлашган 
ҳовли-жой ва Тошкент шаҳри марказида жойлашган тўрт хонали 
квартира марҳумдан мерос бўлиб қолган, лекин аниқланишича 
марҳур кўрсатилган ҳар иккала уйда доимий яшамаган, унинг охирги 
яшаган жойи номаълум. Бундай ҳолатда мероснинг асосий қисмини 
Тошкент шаҳридаги квартира ташкил этиши (яъни унинг қиймати 
қишлоқдаги уй қийматидан бир неча маробата юқорилиги сабабли) 
ҳисобга олинган ҳолда ушбу квартира жойлашган жой мерос очилган 
жой ҳисобланади. 
Бунда мерос мулкининг асосий қисми жойлашган жойни аниқлашда 
мулкнинг қиймати ҳисобга олинади. Мол-мулкнинг қийматини 
аниқлашда унинг мерос очилган вақтидаги ва баҳоловчи ташкилотлар 
томонидан белгиланган бозор нархини инобатга олиш керак. 
§ 1.5. Меросхўрлар
Ўзбекистон Республикаси Фуқаролик кодексининг 1118-моддасига 
кўра мерос очилган пайтда ҳаёт бўлган фуқаролар, шунингдек, мерос 
қолдирувчининг ҳаётлик пайтида ҳомила ҳолида бўлган ва мерос 
очилгандан кейин тирик туғилган болалари васият ва қонун бўйича 
меросхўр бўлишлари мумкин.
Мерос очилган пайтда тузилиб бўлган юридик шахслар, шунингдек, 
давлат ва фуқароларнинг ўзини ўзи бошқариш органлари ҳам васият 
бўйича меросхўр бўлишлари мумкин.
Мерос қолдирувчи ва меросхўр ворислик ҳуқуқий муносабатларнинг 
субъектлари ҳисобланадилар.
Васиятнома бўйича ҳам, қонун бўйича ҳам мерос қолдирувчи 
сифатида фақат жисмоний шахс бўлиши мумкин.
Ҳар қандай шахс қонун бўйича мерос қолдирувчи бўлиши 
мумкин. Бироқ