Vodorod atomining kvant mehanika nazariyasi

VODOROD ATOMINING KVANT MEHANIKA NAZARIYASI

REJA:
KIRISH
Vodorod atomi va uning tuzilishi
1.1. Markaziy simmetrik maydonda vodorod atomi..
1.2. Bor postulatlari. Atom tuzilishining Bor nazariyasi …
1.3. Vodorod atomi uchun Shredenger tenglamasi
Xulosa
Adabiyotlar


Kirish

Vodorod atomi Mendeleyev davriy sistemasidagi birinchi element bo‘lib, tuzilishi jihatdan eng sodda atom hisoblanadi. Vodorod tabiatda juda keng tarqalgan bo‘lib, har kuni iste’mol qiladigan suvimizning asosiy tarkibini vodorod atomi tashkil etadi. Vodorod atomining kvant tabiatini o‘rganishda Shredenger tenglamasidan foydalanamiz. XX asrga kelib Nils Bor vodorod atomi uchun modelni taklif etdi. Modelni tushuntirishda postulotlardan foydalandi. Keyinchalik Bor nazariyasi yaratildi, bu nazariya tuzilishi jihatidan ham klassik ham kvant tushunchalaridan foydalanilgan.

Bitiruv malakaviy ishining dolzarbligi: Vodorod atomi va uning nurlanish, yutilish spektridagi qonuniyatlarni tushuntiradigan Balmerning umumlashgan formulasi haqida ilmiy ma’lumotlar olish imkonini beradi. Shu sababli mavzuni “Vodorod atomi va uning spektridagi qonuniyatlarni o‘rganish” deb tanladik.
Tadqiqot predmeti va obyekti: BMI da tadqiqot obekti qilib vodorod atomi va spektri tanlangan. Vodorod atomining tuzilishini tushuntiradigan Bor nazariyasi va Bor postulotlarini o‘rganish tadqiqot predmeti hisoblanadi.
Bitiruv malakaviy ishining maqsadi va vazifalari: Vodorod atomi ichki tuzilishini tushuntiradigan spektral seriyalar va spektral termlarning xususiyatlarini o‘rganish. Vodorod atomining fizik xususiyatlari haqida batafsil ma’lumotlar keltirish.
Mavzuning o‘rganilish darajasining qiyosiy tahlili: Vodorod atomi tuzilishi va uning spektridagi qonuniyatlar tajribada yaxshi o‘rganilgan. Tajriba natijalari asosida keltirilgan ilmiy manbalardan foydalanib Vodorod atom tuzilishida spektral seriyalar va termlarning amaliy jihatlari keltirilgan.