Virusli gepatit a va b

Касалликнинг патогенези.
Касаллик манбаи асосан Д вируси билан касалланган одам ва вирус ташиб юрувчилар. Юқиш йўли гепатит В га ўхшаш. Касалликнинг инкубацион даври ўртача 3 - 4 хафта. Касаллик холсизлик, кўнгил айниши. қайт қилиш, қоринда оғриқ пайдо бўлиши, тана хароратининг 39 - 40° га кўтарилиши билан бошланади. 2 - 3 кундан сўнг сийдикнинг ранги тўқ рангга айланади. Нажас рангсизоланади. Жигар ва талоқ катталашади. Касаллик оғир ўтади. Кўпинча ўлим билан тутайди.
Лабораторяи диагностикаси.
Серологик усул билан қонни гепатит В ва Д маркерлари топилди - Hbs АГ ва Hbc, JgM, анти - НД JgM, антидельта JgM лар аникланади.

Профилактикаси.
Махсус профилактика сифатида гепатит В га қарши эмланади.
Гепатит С вируси.
Вирус 1989 йилда АҚШда Соод ва Японияда Arino ва хамкасблари томонидан касалнинг кон зардобидан ажратиб олинди. Вирус ўз хусусиятларига кўра Flaviviriadea оиласига мансуб булиб, вируснинг ҳажми 30 - 80 нм. Вирус кобиққа эга. Геноми бир ипли мусбат РНКдан иборат. Касаллик ўткир гепатитлар орасида 48,3% ни ташкил қилади. Касаллик паринтирал йўл билан жинсий алоқа, йўлдош орқали юқади. Касалликнинг кечиши ва клиник белгилари гепатит В га ўхшаш, кўпинча сурункали ҳолда кечади ва 20% беморларда жигар циррози ривожланади. Вирус жигарда бирламчи рак пайдо бўлишида ҳам асосий роль ўйнайди.
Лаборатория диагностикаси.
Серологик усулда касалнинг кон зардобида вирусга қарши антителолаларни ИФА ва РИА усулларида аниқлаш муҳим аҳамиятга эга. Биохимик анализлардан ҳам фойдаланилади. ПЦР ёрдамида ҳам 5 - 6 соат ичида ташхис қўйиш мумкин.
Даволашда
интерферон ишлатилади ва клнникасига қараб муаолажалар қўлланилади.
Махсус давоси, профилактикаси ҳозирча йўқ.
Гепатит Е вируси.
Бу вирусни беморнинг нажасидан электрон микроскоп ёрдамида топиш мумкин. Вирус 32 - 34 нм ҳажмга эга. Геноми 1 ипли мусбат РНК дан иборат. Вирус кўпгина хусусиятлари билан гепатит А вирусига ва колци вирусларига ўхшашдир. Лекин уларнинг оиласига кирмайди.