Вирус ва антивируслар таснифи вирус ва унинг турлари

Резидент вируслар фаоллашганларидан сўнг тўлалигича ёки қисман яшаш муҳитидан (тармоқ, юклама сектори, файл) ҳисоблаш машинасининг асосий хотирасига кўчади. Бу вируслар, одатда, фақат операцион системага рухсат этилган имтиёзли режимлардан фойдаланиб яшаш муҳитини захарлайди ва маълум шароитларда зараркунандалик вазифасини бажаради.

Резидент вирусларнинг яна бир кўриниши бут вируслар бўлиб, бу вируснинг вазифаси винчестер ва эгилувчан магнитли дискларнинг юкловчи секторини ишдан чиқаришдан иборат. Бут вирусларнинг боши дискнинг юкловчи бут секторида ва думи дискларнинг ихтиёрий бошқа секторларида жойлашган бўлади.

Пакетли вируснинг бош қисми пакетли файлда жойлашган бўлиб, у операцион тизим топшириқларидан иборат.
Гибридли вирусларнинг боши пакетли файлда жойлашади. Бу вирус хам файлли, ҳам бут секторли бўлади.
Тармоқли вируслар компьютер тармоқларида тарқалишга мослаштирилган, яъни тармоқли вируслар деб ахборот алмашишда тарқаладиган вирусларга айтилади.
Вирусларнинг турлари:
1) файл вируслари. Бу вируслар сом, ехе каби турли файлларни зарарлайди;
2) юкловчи вируслар. Компьютерни юкловчи дастурларни зарарлайди;
3) драйверларни зарарловчи вируслар. Операцион тизимдаги соnfig.sys файлни зарарлайди. Бу компьютернинг ишламаслигига сабаб бўлади;
4) DIR вируслари. FАТ таркибини зарарлайди;
5) стелс-вируслари. Бу вируслар ўзининг таркибини ўзгартириб, тасодифий код ўзгариши бўйича тарқалади. Уни аниқлаш жуда қийин, чунки файлларнинг ўзлари ўзгармайди. Вирус резидент ҳисобланади, операцион система программалари остида яширинади, хотирада жойини ўзгартириши мумкин. «Стелс» - вируслар резидент антивирус воситаларига қарши таъсир кўрсата олиш қобилиятига эга;

6) Windows вируслари. Windows операцион тизимидаги дастурларни зарарлайди.

Мисол сифатида қуйидагиларни келтириш мумкин:
1) Энг хавфли вируслардан бири Internet орқали тарқатилган «Чернобиль» вируси бўлиб, у 26 апрелда тарқатилган ва ҳар ойнинг 26-кунида компъютерларни зарарлаши мумкин.
2) I LOVE YOU вируси Филиппиндан 2000 йил 4 майда Е-mail орқали тарқатилган. У бугун жаҳон бўйича 45 млн. компьютерни зарарлаган ва ишдан чиқарган. Моддий зарар 10 млрд. АҚШ долларини ташкил қилган.
3) 2003 йил март ойида Швециядан электрон почта орқали GANDA вируси тарқатилган ва у бутун дунёда минглаб компьютерларни зарарлаган. Бу вирусни тарқатган шахс ҳозир қўлга олинган ва у 4 йил қамоқ жазосига ҳукм этилиши мумкин.
Асосланган алгоритмлар бўйича дастурли вирусларни қуйидагича таснифлаш мумкин.


Паразитли вирус — файлларнинг таркибини ва дискнинг секторини ўзгартирувчи вирус. Бу вирус оддий вируслар туркумидан бўлиб, осонлик билан аниқланади ва ўчириб ташланади.