Вирус ва антивируслар таснифи вирус ва унинг турлари

ВИРУС ВА АНТИВИРУСЛАР ТАСНИФИ


1. Вирус ва унинг турлари;
2. Компьютер вирусларидан ахборотларга рухсатсиз кириш ва улардан фойдаланишни ташкил этиш;
3. Антивирус дастурлари;
4. Вирусларга қарши чора-тадбирлар.


Вирус ва унинг турлари
Ҳозирги кунда компьютер вируслари ғаразли мақсадларда ишлатилувчи турли хил дастурларни олиб келиб татбиқ этишда энг самарали воситалардан бири ҳисобланади. Компьютер вирусларини дастурли вируслар деб аташ тўғрироқ бўлади.
Дастурли вирус деб автоном равишда ишлаш, бошқа дастур таркибига ўз – ўзидан қўшилувчи, ишга қодир ва компьютер тармоқлари ва алоҳида компьютерларда ўз – ўзидан тарқалиш хусусиятига эга бўлган дастурга айтилади.
Вируслар билан зарарланган дастурлар вирус ташувчи ёки зарарланган дастурлар дейилади.




Зарарланган диск – бу ишга тушириш секторида вирус дастур жойлашиб олган дискдир.
Ҳозирги пайтда компьютерлар учун кўпгина ноқулайликлар туғдираётган ҳар хил турлардаги компьютер вируслари кенг тарқалган. Шунинг учун ҳам улардан сақланиш усулларини ишлаб чиқиш муҳим масалалардан бири ҳисобланади. Ҳозирги вақтда 65000 дан кўп бўлган вирус дастурлари борлиги аниқланган. Бу вирусларнинг катта гуруҳини компъютернинг иш бажариш тартибини бузмайдиган, яъни «таъсирчан бўлмаган» вируслар гурухи ташкил этади.
Вирусларнинг бошқа гурухигa компьютернинг иш тартибини бузувчи вируслар киради. Бу вирусларни қуйидаги турларга бўлиш мумкин: хавфсиз вируслар (файллар таркибини бузмайдиган), хавфли вируслар (файллар таркибини бузувчи) хамда жуда хавфли вируслар (компьютер курилмаларини бузувчи ва опера­тор соглигига таъсир этувчи). Бу каби вируслар одатда профессионал дастурчилар томонидан тузилади. (юқоридаги расм).
Хавфсиз компьютер вируслари компьютер системаси ресурсларига қандайдир шикаст етказишни ўзига мақсад қилмаган муаллифлар томонидан яратилади. Уларнинг мақсади, одатда, ўзларини дастурчи имкониятларини кўз-кўз қилишдир. Бундай вирусларнинг зараркунандалиги моноторингда айбсиз матнларни ва расмларни, мусиқий парчаларнинг ижро этилишига олиб келади ва ҳ.
Аммо безарар бўлиб кўринган бундай вируслар компьютер системаларига маълум шикаст етказади. Биринчидан бундай вируслар компьютер системаларини ресурсларини сарфлайди, натижада унинг ишлаш самарадорлиги пасаяди. Иккинчидан, компьютер вирусларида компьютер системаларининг информацион ресурсларига шикаст келтирувчи хатоликлар бўлиши мумкин.
Хавфли вирусларга компьютер системаларининг самарадорлигини жиддий пасайишига олиб келувчи, аммо хотирловчи қурилмаларда сақланувчи информациянинг яхлитлигини ва махфийлигини бузмайдиган вируслар киради. Бундай вируслар таъсири оқибатларини унчалик катта бўлмаган моддий ва вақтий ресурслар сарфи эвазига йўқотиш мумкин. Бундай вирусларга мисол тариқасида ҳисоблаш машинаси хотирасини эгалловчи, аммо тармоқ ишига таъсир қилмайдиган вирусларни, программани қайтадан ишланиш, операцион системасининг қайтадан юкланиш ёки маълумотларни алоқа каналлари орқали қайтадан узатилиш ва ҳ. заруриятини туғдирувчи вирусларни кўрсатиш мумкин.
Жуда хавфли вирусларга информациянинг махфийлигини бузилишига, йўқ қилинишига, қайтарилмайдиган турланишга (шифрлаш ҳам шу қаторда) ҳамда информациядан фойдаланишга тусқинлик қилувчи ва натижада аппарат воситаларнинг ишдан чиқишига ва фойдаланувчилар соғлигига шикаст етишига сабаб бўлувчи вируслар киради [1].