Виполнил (a)

Mustaqil ta’lim – talabalarning maqsadga y o‘naltirilgan o‘quv faoliyati bo‘lib, u o‘qituvchi tomonidan beriladigan o‘quv axborotlarini o‘zlashtirish, o‘quv mashg‘ulotlari jarayonida egallangan bilim va malakalarni mustahkamlashdan iborat.
Mustaqil ta’limning asosiy maqsadi - “kadrlar tayyorlash milliy dasturi” ning yakuniy bosqichi talablari asosida ta’lim oluvchilarning mustaqilligi va faolligini oshirish, tafakkurini rivojlantirish, o‘zlashtirilgan bilimlarning amaliyotga tatbiq etilishini kuchaytirishdan iboratdir. Zamonaviy mutaxassisning o‘z bilimi va hayotiy tajribalarini oshirib borishi unda shaxsiy xislatlarning shakllanganlik darajasiga bog‘liq. Ana shunday xislatlarni shakllantirishda mustaqil ishlar muhim ahamiyat kasb etadi. Mustaqil ishlardan ko‘zlangan asosiy maqsad auditoriya mashg‘ulotlarida o‘zlashtirilgan bilim va malakalarni mustahkamlash, yangilarini o‘zlashtirish va ijodiy ishlash malakasini tarkib toptirishdan iboratdir.
V.A.Slasteninning fikricha, “mustaqil ta’lim – talabaning shunday bilim olish faoliyatiki, bunda uning izchil fikr yuritishi, aqliy va amaliy operatsiyalari hamda harakatlarining izchilligi o‘ziga bog‘liq bo‘ladi”
Mustaqil ta’lim – bu ta’lim olishning alohida tizimli yondashishga asoslangan mustaqil ishlar yig‘indisidir – deb ta’rifberadi,
Pedagogika fanlari doktori N.A.Muslimov ta’kidlaydiki, “mustaqil ta’lim (avtodidaktika) – bilimlarni o‘zlashtirish, tasavvurlarini rivojlantirish, tushunchalari, ko‘nikma va malakalarni hosil qilish bo‘yicha o‘quv jarayonining sub’ektiv maqsadiga muvofiq muntazam, mustaqil hamda avtonom faoliyatni tashkil etish demakdir. Mustaqil bilim olishda avtonomlik - o‘qitish maqsadlari, tamoyillari, mazmuni, metodi va vositalarini aniqlash, tanlash, ularni qiynalmasdan hamda tashqaridan yordamsiz amalga oshirish qobiliyatidir. mustaqillik – shaxsning alohida xususiyati, layoqati, faolligi, e’tiborini jamlashga qobiliyatliligi, qo‘yilgan maqsadga erishish uchun bor kuchini jalb etishi kabilarda amalga oshadi . Mustaqil bilim olish texnologiyasi va mustaqil bilim olish sabablari bir-biri bilan bog‘liqdir: Aniq natijaga erisha olishiga ishonmaslik talabaning mustaqil bilim olishdan boshqa har qanday sababdan ko‘ra ko‘proq ko‘nglini sovutadi
Mustaqil ta’lim olish talabalarga jiddiy talablarni qo‘yadi. o‘qituvchi va talaba hamkorligidagi faoliyatning yakuni oldindan aniq bo‘lgan o‘qitish jarayonidan farqli ravishda mustaqil bilim olishda sub’ekt aniq bo‘lmagan va oldindan rejalashtirilmagan natijani qayd etishi, ya’ni bilim, ko‘nikma va malakalarning aniq hajmini o‘zlashtirishi zarur. O‘qituvchining ko‘proq yoki kamroq ishtirokida o‘quv topshirig‘ining mustaqil bajarilishidan iborat bu jarayon talabalar shaxsini kamol toptirish tizimidagi zarur bo‘g‘indir.
Mustaqil ta’lim olish tizimi o‘qituvchi va ta’lim oluvchi faoliyati mustaqil ta’lim tizimini hosil qiluvchi omil hisoblanadi.
Individual ta’lim berish va mustaqil ta’lim olishda foydalaniladigan o‘quv materiallari (mustaqil ta’lim materiallari) o‘qituvchi va ta’lim oluvchi o‘zaro muloqatining asosini tashkil etadi. Mustaqil ta’lim materiallarini ishlab chiqish va uni pedagogika amaliyotga tatbiq etish muhim pedagogik muammodir.
Talabalarning mustaqil ta’lim olish tizimida mustaqil ta’lim mazmuni uning asosini tashkil etadi. Mustaqil ta’lim mazmunini mustaqil ta’lim materiallari, ta’lim beruvchi va ta’lim oluvchi faoliyati tashkil etadi. Bunda o‘qituvchi va talaba muloqati asosiy rol o‘ynaydi.