Vii bob anestezio

205

Niqobli anesteziyaning zamonaviy ko'rinishi maxsus bug'latgich va dozimetri, sun'iy nafas oldirish moslamalari bor jihozlar yordamida o'tkaziladi va jihoz niqob usulli ingalyatsion anesteziya deb ataladi.
Anesteziyani boshlashdan oldin ballondagi kislorod miqdori, jihoz va moslamalaming ishga yaroqliligi, nafas oldirish sistemasining germetikligi, barcha zarur dori-darmonlarning borligi tekshiriladi.
Niqob vositali anesteziyani o'tkazish nchun bemorning amaliyot stoliga bir qo'li va sonining o'rta qismidan enlik tasma yordamida bog'lab qo'yiladi. Bog'lanmagan qo'l arterial qon bosimi va pulsni nazorat qilish, venaga infuziya qilish hamda anesteziya preparatlarini yuborish uchun ishlatiladi. Bemor 1-2 daqiqa davomida toza kisloroddan nafas oladi. So'ngra anestetikli aralashmadan ingalyatsiya qilinadi. Ingalyatsiyaning boshida aralashma tarkibidagi anestetikning miqdori kam bo'lishi shart. Bemor niqob orqali nafas olishga mosiashgan va anestetikka ko'nikkach, aralashma tarkibidagi anestetikning miqdori oshirib boriladi. Nafas yo'llari o'tkazuvchanligini ta'minlash uchun og'iz yoki burun havo o'tkazgich nay lari ishlatiladi.
Niqobli ingalyatsion anesteziya qisqa vaqt davom etuvchi va mushaklar relaksatsiyasi talab qilmaydigan amaliyot va muolajalarni og'riqsizlantirishda keng foydalaniladi. Niqob vositali anesteziyada nafas yo'llari o'tkazuvchanligining buzilishi mexanik asfiksiyaga olib keladi. Tilning tanglayga tegib qolishi, pastki jag'ning osilib qolishi, traxeya va bronxlaming qusuq massalari, so’lak, shilliq moddalar bilan to'silishi, laringospazm va bronxospazmlar, kislorod tanqisligi - gipoksiya sababchisi bo'ladi. Til tanglayga yopishganda va pastki jag' osilib qolganda havo o'tkazuvchi nay qo'yiladi. Pastki jag'ni oldinga surish va yuqoriga ko'tarish bilan ham nafas yo'llari o'tkazuvchanligini tiklash mumkin. Nalas yo'llari qusuq massalar, so'lak va shilliq moddalardan dokali tampon, so'rg'ich va boshqa moslamalar yordamida tozalanadi. Gipoksiya kuchayib borsa anestetik ingalyatsiya to'xtatilib, toza havo va kislorod aralashmasi uzatilib turiladi. Zudlik bilan traxeya intubatsiya qilinadi, sun'iy o'pka ventilyatsiyasi zaminida gipoksiya oqibatlarini yo'qotishga qaratilgan tadbirlardan foydalaniladi.


INTUBATSION ANESTEZIYA

Anesteziyaning intubatsion usuli traxeya yoki bronxlariga maxsus havo o'tkazgich nayi kirgizish orqali amalga oshiriladi. Intubatsion nay yordamida bemorning o'pkasiga havo, kislorod va anestelik aralashma uzatiladi hamda sun'iy o'pka ventilyatsiyasi o'tkaziladi. Intubatsion nay