Veterinariya virusologiyasi

Mashg‘ulotni material bilan ta’minlash
9-11 kunlik tovuq homilalari; B₁-shtammdagi n’yukasl kasalligining virusi; N’yu- Djersi shtammdagi kabutarlarning chechak virusi; ovoskoplar; 24-36 sm kattalikdagi emallangan va doka salfetka to‘shalgan kyuvetalar; probirkalar uchun shtativ; homilani fiksatsiyalovchi shtativ; spirtli va gazli gorelkalar; rezinadan tayyorlangan paxta tamponlar, yod qo‘shilgan spirt; qog‘ozga o‘rab joylashtirilgan va sterillangan paxtachalar, rezina tiqini bor probirkalar; Petri likopchasi; 2-5 ml pipetkalar; steril instrumentlar bilan birgalikda sterilizator (1 ml shprislar, anatomik pinsetlar, teshgichlar, infeksiya uchun ignalar, ko‘z uchun ishlatiladigan qaychilar); fiziologik eritma; dezinfeksiyalovchi eritma; tovuqning 5% eritrotsitlari; tomchi GAR uchun oyna yoki keramikadan tayyorlangan plitka; doka yuz yopgichlar; 10x10Cm kattalikdagi qora qog‘ozlar; meditsina leykoplastri; tovuq homilasi va yuqtirish usullari ko‘rsatilgan chizma.
Mashg‘ulotning taxminiy rejasi (4 soat)

I-Mashg‘ulot

1.Tekshirish uchun savollar.
2.O‘qituvchining tushuntirishi.
3.Ko‘rsatish: a)ish joyini tashkil qilish; b)ovoskopda qarash va tovuq homilasini dezinfeksiyalash; s)tovuq homilalarida yuqtirish usullarini barchasini ko‘rsatish; d)ochilgan tovuq homilasida uning tuzilishini ko‘rsatish.
4.Talabalarning mustaqil ishi: a)uchta tovuq homilasini ovoskopda ko‘rish; b)ushbu tovuq homilalarini dezinfeksiyalash; s)homilaga yuqtirish uchun maxsus kiyim va ish joyini tayyorlash; d)bitta tovuq homilasida barcha usullar bilan yuqtirishni mashq qilish; e)9-kunlik tovuq homilasining allantois bo‘shlig‘iga N’yukasl kasalligining B₁, yoki H shtammidan yuqtirib, yozib qo‘yish; f)11-kunlik tovuq homilasini sun’iy ochilgan havo kamerasi orqali XAP tovuqlarning chechak virusini yuqtirish va yozib qo‘yish; g)virus yuqtirilgan tovuq homilasini termostatga inkubatsiya uchun qo‘yish.
5. Mashg‘ulotni yakunlash.
6. Navbatdagi mashg‘ulot uchun topshiriq berish.