Veterinariya virusologiyasi

Mashg‘ulotning taxminiy rejasi


1.Nazorat uchun savollar.
2.Diagnostik masalalar berish.
3.Talabalarning mustaqil ishi.
a)kasallikning klinik beigilariga, patologoanatomik o‘zgarishlariga qarab diagnoz qo‘yish uchun turli ma’lumotlarni beradigan yordamchi adabiyotlarni o‘qib o‘rganish.
b)bu holda laboratoriyaga qaysi patologik materialni va qanday qilib jo‘natish aniqlanadi.
c)olingan patmaterialni laboratoriyada tekshirishning taxminiy rejasini yoki sxemasini tuzish.
4.Ishning natijasini ko‘pchilik bo‘lib muhokama qilish.
5.Mashg‘ulotni yakunlash.

Nazorat uchun savollar

1.Virus kasalliklariga qanday qilib dastlabki diagnoz qo‘yiladi?
2.Patologik materilani olishda nimaga amal qilish kerak?
3.Patologik materialni laboratoriyada tekshirish usullari va uning maqsadi nimadan iborat?


Uslubiy ko‘rsatmalar
1.Har bir o‘quv guruhlari uchun diagnostik masalalarni o‘qituvchi avvaldan tayyorlaydi, bu erda iloji boricha kasallikning klinik belgilari majmuasidan va patologoanatomik o'zg’arishlardan foydalanib talaba bir emas bir nechta kasallik haqida bir vaqtda gumonsirashi kerak va natijada ularni laboratoriya usullari bilan farqlash zaruriyati yuzaga kelsin.
2.Har bir diagnostik masala o‘qituvchi tomonidan puxta ishlab chiqilishi kerak.
3.Har bir o‘quv guruhiga bitta masala berish maqsadga muvofiq, chunki yechilgan masalani tekshirish jarayonida bir masaladagi savolga bir nechta fikrni qarama-qarshi qo‘yishi mumkin. Bu esa, qo‘yilgan masalaga ijodkorona yondashishni ta’minlaydi.
4.Talabalar ishining natijalarini ochiq muhokoma qilish guruhdagi barcha talabalarni jalb qilishga undaydi. Ammo hal qiluvchi fikrni faqat o‘qituvchi aytadi.
5.Masala. Tovuqchilik xo‘jaligida jo‘jalar kasallangan.
Klinik belgilari: qiynalib nafas oladi, xirillaydi, yo‘taladi, burnidan shilliq suyuqlik oqadi.
O‘lgan parrandalarni yorib ko‘rganda, kekirdak bronx va tamoq shilliq qatlamida shish va qizarishlar kuzatiladi. O‘lim 20% ga etgan. Ushbu kasallikka dastlabki diagnoz qo‘yish kerak, qaysi patologik materialni olish zarurligini va laboratoriyaga olib borish yo‘lini echish va patologik materialni tekshirishning taxminiy rejasini tuzish kerak.