«veterinariya» ixtisosligi bo’yicha oliy o’quv yurtlari uchun qo’llanma

 

---

195 
Tashxisi.
Anamnez ma’lumotlari, xarakterli klinik belgilari, 
patalogonatomik o’zgarishlari e’tiborga olinadi. Nafas tizimining 
kasalliklari o’lat, yuqumli bronxit, laringotraxeit, mikoplazmoz, 
pasterelliyoz va aspirgillyoz va kasalliklaridan farqlanadi.
 
Davolash
. Kasallik sabablari bartaraf etiladi va kasal parrandalar 
uchun qulay saqlash sharoitlari yaratiladi. Vitaminlar, suvda eriydigan 
antibiotiklar va sulfanilamidlar guruh usulida aerozol holida qo’llaniladi 
yoki bunday preparatlar suv va oziqalarga aralashtirilgan holda beriladi. 
 
Oldini olish.
Parrandalar sovuqda va issiqda qolishdan saqlanadi. 
Ularni saqlashda harorat-namlik rejimiga qat’iy rioya qilinadi. 
To’shamalarning namlanishi, yelvizaklar tovuqxona havosida zaharli 
gazlar konsentrasiyasining ortib ketishining oldini olish choralari 
ko’riladi. 
Hazm tizimi kasallaklari
barcha turdagi parrandalar orasida keng 
tarqalgan bo’lib, yuqumsiz kasalliklar orasida o’rtacha 20 foizni tashkil 
etadi. Inkubasiya qoidalari, oziqlantirish va saqlash qoidalarining 
buzilishi oqibatida, muskulli oshqozon va ichaklarning yallig’lanishlari 
(kutikulit, dispepsiya, gastroenterit), yosh jo’jalar orasida keng tarqalgan 
bo’lsa, nisbatan katta yoshdagi parrandalarda og’iz bo’shlig’i va 
jig’ildon kasalliklari ko’proq uchraydi. 
Stomatit
. Og’iz bo’shlig’i va tilning yallig’lanishi bo’lib, quruq 
oziqalar bilan boqish va suvning yetishmasligi, rasionning asosiy 
qismini unsimon oziqalar tashkil etishi, oziqani juda issiq hollarda berish 
kabi sabablar oqibatida kelib chiqadi. A-gipovitaminoz, til va tumshuq 
anamaliyalari, rasionda kalsiy, fosfor va vitamin yetishmasliklari 
ikqilamchi stomatitlarni keltirib chiqaradi.