«veterinariya» ixtisosligi bo’yicha oliy o’quv yurtlari uchun qo’llanma

malakalariga ega bo’lishi kerak. 
-
Ichki yuqumsiz kasalliklar fani asosiy ixtisoslik fani hisoblanib, 
o’quv rejasida ko’rsatilgan matematika va tabiiy (biofizika, kimyo, 
botanika oziqa yetishtirish, zoologiya), umumkasbiy (hayvonlar 
biokimyosi, hayvonlarni oziqlantirish texnologiyasi, zoogigiyena, 
farmakologiya, 
toksikologiya) 
va 
ixtisoslik 
(epizootologiya, 
parazitologiya, xirurgiya, vetakusherlik) fanlaridan yetarli bilim va 
ko’nikmalarga ega bo’lishlik talab etiladi. 
Fanning ishlab chiqarishdagi o’rni.
Ichki yuqumsiz kasalliklarni 
profilaktika qilish, ularni samarali va arzon vositalar bilan davolash, 
kasalliklarga qarshi organizmning himoya qobiliyatini oshirish 
veterinariya sohasidagi ishlar hajmining katta qismini tashkil etadi. 
Shuning uchun hayvonlarning ichki yuqumsiz kasalliklariga alohida 
talablar qo’yiladi. Chorvachilik mahsulotlarining tannarxi asosan 
hayvonlarni to’g’ri davolash va yuqumsiz kasalliklarni o’z vaqtida oldini 
olishga bog’liq. Shuning uchun ushbu fan asosiy mutaxassislik fani va 
veterinariya amaliyotining ajralmas bo’g’ini hisoblanadi. 
Ichki yuqumsiz kasalliklar fani boshqa klinik fanlar orasida 
yetakchi o’rinda turadi. Chunki, terapevtik davolash usullaridan boshqa 
ko’pgina kasalliklarni davolashda ham foydalaniladi. Bundan tashqari, 

---

6 
ichki yuqumsiz kasalliklar bilan hayvonlarning kasallanish darajasi 90-
95 foyizni tashkil etib, kasallangan hayvonlarning 35-45 foyizi nobud 
bo’ladi va sog’aygan hayvonlarda ham mahsuldorlik pasayadi, boshqa 
kasalliklarga nisbatan organizmning rezistentligi pasayadi. 
Ichki yuqumsiz kasalliklar fanidan amaliy va laboratoriya 
mashg’ulotlari kafedra o’quv xonalarida, klinika maneji, veterinariya 
davolash shifoxonalari, chorvachilik fermalari va boshqa veterinariya 
obyektlarida o’tkaziladi. 
Mashg’ulotlarning o’tilishi va talabalarning fanni o’zlashtirish sifati 
ko’p jihatdan darslarni klinik sog’lom va kasal hayvonlar, diagnostik 
tekshirish aslahalari va davolashda ishlatiladigan asbob uskunalar, 
zamonaviy dori vositalari, laborator tekshirishlari uchun reaktivlar, 
apparaturalar va yangi texnologik vositalari bilan ta’minlanishiga 
bog’liq. 
«Ichki 
yuqumsiz 
kasalliklar» 
fanidan 
amaliy-laboratoriya 
mashg’ulotlarni quyidagi tartibda olib borilishi maqsadga muvofiq 
bo’ladi:
1. Mashg’ulotning tashkiliy davrida 20-30 daqiqa davomida 
talabalarning o’tilgan mashg’ulot bo’yicha bilimlari test-reyting tizimi 
asosida aniqlanadi va navbatdagi mashg’ulotning maqsadi va vazifalari 
belgilab olinadi. 
2.
Guruhdagi talabalar kichik guruhlarga ajratiladi va aniq 
vazifalar tushuntiriladi. O’qituvchi rahbarligida talabalar hayvonlarni 
klinik tekshirish va davolash ishlarini bajaradi. 
3.
Bajarilgan ishlarning natijasi tahlil qilinadi, mavzu yuzasidan 
savol -javob (diskussiya) o’tkaziladi va o’qituvchi tomonidan xulosa 
hamda uyga vazifa belgilanadi. 
1-mashg’ulot.