«ветеринария» ихтисослиги бўйича олий ўҚув юртлари учун қЎлланма ички юқумсиз касалликлар фанидан

Фаннинг ишлаб чиқаришдаги ўрни. Ички юқумсиз касалликларни профилактика қилиш, уларни самарали ва арзон воситалар билан даволаш, касалликларга қарши организмнинг ҳимоя қобилиятини ошириш ветеринария соҳасидаги ишлар ҳажмининг катта қисмини ташкил этади.
Шунинг учун ҳайвонларнинг ички юқумсиз касалликларига алоҳида талаблар қўйилади. Чорвачилик маҳсулотларининг таннархи асосан ҳайвонларни тўғри даволаш ва юқумсиз касалликларни ўз вақтида олдини олишга боғлиқ. Шунинг учун ушбу фан асосий мутахассислик фани ва ветеринария амалиётининг ажралмас бўғини ҳисобланади.
Ички юқумсиз касалликлар фани бошқа клиник фанлар орасида етакчи ўринда туради. Чунки, терапевтик даволаш усулларидан бошқа кўпгина касалликларни даволашда ҳам фойдаланилади. Бундан ташқари, ички юқумсиз касалликлар билан ҳайвонларнинг касалланиш даражаси 90-95 фойизни ташкил этиб, касалланган ҳайвонларнинг 35-45 фойизи нобуд бўлади ва соғайган ҳайвонларда ҳам маҳсулдорлик ҳамда бошқа касалликларга нисбатан организмнинг резистентлиги пасаяди.
Ички юқумсиз касалликлар фанидан амалий ва лаборатория машғулотлари кафедра ўқув хоналарида, клиника манежи, ветеринария даволаш шифохоналари, чорвачилик фермалари ва бошқа ветеринария объектларида ўтказилади.
Машғулотларнинг ўтилиши ва талабаларнинг фанни ўзлаштириш сифати кўп жиҳатдан дарсларни клиник соғлом ва касал ҳайвонлар, диагностик текшириш аслаҳалари ва даволашда ишлатиладиган асбоб ускуналар, замонавий дори воситалари, лаборатор текширишлари учун реактивлар, аппаратуралар ва янги технологик воситалари билан таъминланишига боғлиқ.
«Ички юқумсиз касалликлар» фанидан амалий-лаборатория машғулотларни қуйидаги тартибда олиб борилиши мақсадга мувофиқ бўлади:
1. Машғулотнинг ташкилий даврида 20-30 дақиқа давомида талабаларнинг ўтилган машғулот бўйича билимлари тест-рейтинг тизими асосида аниқланади ва навбатдаги машғулотнинг мақсади ва вазифалари белгилаб олинади.

2. 
   Гуруҳдаги талабалар кичик гуруҳларга ажратилади ва аниқ вазифалар тушунтирилади. Ўқитувчи раҳбарлигида талабалар ҳайвонларни клиник текшириш ва даволаш ишларини бажаради.
   
3. 
   Бажарилган ишларнинг натижаси таҳлил қилинади, мавзу юзасидан савол - жавоб (дискуссия) ўтказилади ва ўқитувчи томонидан хулоса ҳамда уйга вазифа белгиланади.
   

1-машғулот. ИЧКИ ЮҚУМСИЗ КАСАЛЛИКЛАР фани