Verstkaerbook indd

Давлат ва хусусий сектор шерикчилиги
– ижтимоий аҳамиятга эга вазифаларни 
ўзаро манфаатли асосда ҳал этиш тамойилига таянган давлат ва бизнес секторлари 
ўртасидаги ҳамкорликнинг турли шакллари. Бунда давлат хусусий бизнеснинг эмас, 
балки хусусий бизнес давлат лойиҳаларини амалга оширишга жалб қилинади;
Қаттиқ маиший чиқиндилар (ҚМЧ)
–инсониятнинг ҳаёт фаолияти туфайли 
шунингдек ишлаб чиқариш натижасида вужудга келадиган коммунал чиқиндилар;
Контейнер, бункер
 – коммунал чиқиндиларни жойлаштириш ва сақлаш учун махсус 
идиш;
Чиқинди ташувчи машина
– ахлатни юклаш, ташиш ва тўкишга мўлжалланган 
транспорт воситаси. Турли хилдаги чиқиндилар (қурилиш чиқиндилари, катта ҳажмли 
чиқиндилар, коммунал чиқиндилар) учун чиқинди ташувчи машиналарнинг ҳар хил 
тури ишлатилади;
Йўналиш харитаси
– чиқинди ташийдиган машиналарнинг йўналиши, уларнинг иш 
жадвали ва амалга оширадиган иш тартиби.
Чиқиндиларни қайта ишлаш
– чиқиндиларни физик, иссиқлик ёрдамида, кимёвий 
ёки биологик амаллар орқали ўзгартириш, уларнинг ҳажмини қисқартириш, зарарли 
хусусиятларини камайтириш, утилизацияга тайёрлаш ва ҳ. к. 
Чиқиндиларни утилизация қилиш
– чиқиндиларни иккиламчи материал ёки 
энергетика ресурси сифатида ишлатиш;
Иккиламчи хомашё
– халқ хўжалигида ишлатиш мумкин бўлган иккиламчи материал 
ресурслари;
4. ТЕРМИНЛАР ВА ТАВСИФЛАР

---

11
Чиқиндиларни бошқариш бўйича қуйидаги қонунчилик ҳужжатлари қабул қилинган:
• Ўзбекистон Республикасининг «Чиқиндилар тўғрисда» қонуни;
• Ўзбекистон Республикасининг «Табиатни муҳофаза қилиш тўғрисида» қонуни, 
№ 754-XII, 09.12.1992 й.;
• Ўзбекистон Республикасининг «Экологик экспертиза тўғрисида» қонуни, № 73-II;
• Ўзбекистон Республикасининг «Давлат санитар назорати тўғрисида» қонуни, 
№ 657-XII 03.07.1992 й.
• Ўзбекистон Республикаси Вазирлар маҳкамасининг 31.12.2001 йилдаги N 491 
қарорига илова №1 «Ўзбекистон Республикасида экологик экспертиза тўғрисида» 
низом;
• Ўзбекистон Республикаси Вазирлар Маҳкамасининг 31.12.2001 йилдаги № 491 
қарорига илова №2 «Давлат экологик экспертизаси амалга ошириладиган фаолият 
турлари рўйхати»;
• «Ўзбекистон Республикаси шароитида аҳоли истиқомат қиладиган ҳудудларни 
тозалашнинг санитар қоидалари ва меъёрлари», Давлат бош санитар врачи томонидан 
№ 0297-11 рақами билан 27.08.2011 йилда тасдиқланган.
• «Ўзбекистон Республикаси шароитида саноат чиқиндиларини йиғиш, 
инвентаризация қилиш, классификациялаш, сақлаш ва утилизация қилиш бўйича 
санитар қоидалар ва меъёрлар», Давлат бош санитар врачи томонидан № 0300-11 
рақами остида 16.11.2011 йилда тасдиқланган.