Verstkaerbook indd

14. ХУСУСИЙ ОПЕРАТОРЛАРНИ ЖАЛБ ҚИЛИШНИНГ САМАРАЛИ 
УСУЛЛАРИНИ, ТОМОНЛАРНИНГ ҚАТНАШИШ ДАРАЖАЛАРИ ВА 
ШАКЛЛАРИНИ АНИҚЛАШ. ............................................................................................. 59
15. ОФЕРТ ТАҚДИМ ЭТИШДА ХУСУСИЙ ОПЕРАТОРЛАРНИНГ 
ТАКЛИФИГА НИСБАТАН ҚЎЙИЛАДИГАН МИНИМАЛ ТАЛАБЛАР 
ВА ОФЕРТ ТАЙЁРЛАШ БОРАСИДА ТАВСИЯЛАР. ...................................................... 61
16. ҚМЧНИ БОШҚАРИШ СОҲАСИДА ДАВЛАТ ВА ХУСУСИЙ СЕКТОР 
ШЕРИКЧИЛИГИ ЛОЙИҲАЛАРИНИ АМАЛГА ОШИРИШ ЖАДВАЛИ. ........................ 63
17. ХАВФЛАРНИ БАҲОЛАШ ВА МИНИМАЛЛАШТИРИШ УСУЛЛАРИ ...................... 64
ИЛОВА ...............................................................................................................................65
 
1-илова. Танлов ҳужжатлари тўплами намунаси ....................................................... 65
2-илова. Қаттиқ маиший чиқиндиларни бошқариш учун 
хусусий операторни конкурс асосида танлаш ҳақидаги Низом. ............................... 79
3-илова. Шартнома лойиҳаси ...................................................................................... 83

---

5
Аҳолининг ўсиши, урбанизация, истеъмолнинг ва истеъмол маҳсулотлари 
турларининг кенгайиши натижасида қаттиқ маиший чиқиндиларни (ҚМЧ) бошқариш 
масаласи долзарб аҳамият касб этаяпти. Мазкур масала билан айни вақтда 
кўплаб ташкилотлар, жамғармалар, давлат органлари ва таълим муассасалари 
шуғулланмоқда. Бу борада бир қатор муҳим натижаларга эришилган. Шу аснода айтиш 
мумкинки, тез орада одамлар чиқиндиларни бошқаришнинг самарали йўлларини 
ишлаб чиқиб, амалиётда татбиқ эта бошлашади. 
Мазкур қўлланмани тайёрлаш давомида бир қанча ривожланган давлатларнинг 
чиқиндиларни утилизация қилиш борасидаги тажрибаси ўрганилди. Ўрганилган 
тажрибаларни Ўзбекистон шароитида қўллаш мумкин. Қўлланма «Янгийўл туманида 
ҚМЧни бошқариш тизимини такомиллаштириш» лойиҳасининг техник ва иқтисодий 
натижаларига асосланади. Қайд этилган лойиҳа БМТ Тараққиёт дастури ва Савдо-
саноат палатасининг «Ўзбекистон Бизнес Форуми – фаза II» қўшма лойиҳаси 
доирасида амалга оширилди. Қўлланмани тайёрлашда барча зарурий тадқиқотлар 
амалга оширилди ва Янгийўл туманида чиқиндиларни бошқариш соҳасига хусусий 
компанияларни жалб этишнинг оптимал схемаси ишлаб чиқилди. 
Мазкур қўлланманинг асосий мақсади давлат ва хусусий сектор шерикчилиги 
асосида ҚМЧни бошқариш лойиҳаларини ишлаб чиқиш ва амалга ошириш борасидаги 
тажрибани кенг тарқатишдир. 
Давлат ва хусусий сектор шерикчилиги асосида ҚМЧни бошқариш лойиҳаларини 
ишлаб чиқишнинг асосий босқичлари қуйидагилардир:
1) Кўриб чиқилаётган шаҳар ёки райионда қаттиқ маиший чиқиндиларини 
бошқариш тизимининг айни вақтдаги аҳволини ўрганиш, ҳудудларнинг санитар 
тозалигига масъул ташкилотларни фаолиятини таҳлил этиш, йиғилаётган чиқиндилар 
ҳажмини аниқлаш; 
2) Чиқиндиларни бошқариш тизимининг қайси йўналишларига хусусий 
компанияларни жалб этиш мақсадга мувофиқ бўлишини аниқлаш;
3) Хусусий компанияларни муайян ҳудуддаги чиқиндиларни бошқаришга жалб 
этишнинг иқтисодий афзалликлари борасида техник-иқтисодий асосномани 
тайёрлаш;
4) Давлат ва хусусий сектор шерикчилиги асосидаги лойиҳа иштирокчилари учун 
йўриқномалар тайёрлаш;
5) Муайян ҳудуддаги чиқиндиларни бошқариш соҳасида фаолият юритишга 
қизиқиш билдирган хусусий компанияларга нисбатан талабларни ишлаб чиқиш.