K I R I SH
Mavzuning dolzarbligi. O‘zbekistonda oliy ta’lim tizimini takomillashtirish asosi O‘zbekiston Respublikasining “Ta’lim to‘g‘risida” va “Kadrlar tayyorlash Milliy dasturi to‘g‘risida”gi qonunlari hisoblanadi. Ular yuksak umumiy va kasbiy madaniyatga ega bo‘lgan, ijodiy va ijtimoiy faol, ijtimoiy-siyosiy hayotda mustaqil holda harakat qila oladigan, kelajakka qaratilgan vazifalarni qo‘ya olish va ularni echishga qodir bo‘lgan kadrlarning yangi avlodini shakllantirishga yo‘naltirilgan.
Har qanday jamiyatda bo‘lganidek, respublikamizning taraqqiyotida bozor iqtisodiyoti sharoitida raqobatga bardosh beraoladigan malakali mutaxassislarni tayyorlash muhim ahamiyat kasb etadi. Zero jamiyat taraqqiyotida mutaxassis kadrlar omilining muhimligi isbot talab etmaydigan hayotiy haqiqatdir. Mutaxassis kadrlar tayyorlash, uning kasbiy sifat va samaradorligini oshirish borasida ham so‘nggi yillarda keng ko‘lamli ishlar qilindi va qilinmoqda. Jumladan, tayyorlanayotgan mutaxassis kadrlarning mustaqilligi, ijodkorligi, tadbirkorligi, faolligi kabi xislatlarni tarkib toptirishga alohida e’tibor berilmoqda. Kadrlar tayyorlash Milliy dasturida ta’kidlanganidek,“…o‘qishni, mustaqil bilim olishni individuallashtirish hamda distansion ta’lim tizimi texnologiyasi va vositalarini ishlab chiqish va o‘zlashtirish”1 talab etiladi.
Oliy ta’lim tizimidagi pedagogik faoliyatimiz va hozirgi zamon rassom- o‘qituvchilarning ijodiy ish faoliyatini o‘rganish va tahlil qilish asosida ularning amaliy-ijodiy tayyorgarlik mazmuni va o‘qitish metodlarini takomillashtirishga bag‘ishlangan maqsadli izlanishlar tasdiqlanmoqdaki, bugungi kunda oliy malakali rassom-o‘qituvchilar tayyorlashda bir qancha nomuvofiqliklar va ziddiyatlar mavjudki, jumladan:
Кадрлар тайёрлаш Миллий дастури. /Баркамол авлод – Ўзбекистон тараққиётининг пойдевори. - Тошкент, 1997. – Б. 31-61.
hozirgi rassom-o‘qituvchilar professional tayyorgarligiga qo‘yayotgan talablarga oliy o‘quv yurtlari bitiruvchilari – bo‘lajak rassom-o‘qituvchilarning amaliy-ijodiy tayyorgarlik mazmunining mos emasligi;
oliy ta’lim tizimida talabalarning amaliy-ijodiy tayyorgarlik (bilim va malakalar, tasviriy san’at savodxonligi) sifati va samaradorligining past darajada ekanligi;
bo‘lajak rassom-o‘qituvchilarning amaliy-ijodiy tayyorgarlik tizimida mustaqil ta’lim olish faoliyatiga ularning professional shakllanish omili sifatida qaralmayotganligi;
amaliy ta’lim jarayonida ularning mustaqil ta’lim olish faoliyatiga yo‘naltirishga e’tiborning pastligi va h.k.
Shuningdek, talabalarni mustaqil ta’lim olishga o‘rgatish - mustaqil o‘quv faoliyati ko‘nikmalarini shakllantirish ob’ektiv zarurligi o‘quv faoliyati holati bilan ta’lim oluvchilarning mazmun, metod va natijalarga ko‘ra xilma-xil mustaqil o‘quv ishlarini yuritishning ichki imkoniyatlari o‘rtasida nomuvofiqlik ko‘zga tashlanadi, u talabalarning mustaqil ta’lim olish faoliyati xususiyatlari, uning mohiyati, tashkil qilish tamoyillari, mazmuni va metodlarini qarab chiqishga mavjud yondoshuvlarning har xilligi bilan tavsiflanadi. Shu bilan birga, ta’kidlash joizki pedagogik adabiyotlarda oliy maktab talabalarining o‘qishi faqat o‘qitish bilangina emas, balki ularning mustaqil ta’lim olishi bilan ham tavsiflanadi.
Binobarin, oliy ta’lim tizimida bo‘lajak rassom-o‘qituvchilarning amaliy- ijodiy tayyorgarligini mustaqil ta’lim olish faoliyatini faollashtirish asosida takomillashtirish tadqiqotimizning muammosini belgiladi va mavzusining dolzarbligini ko‘rsatadi.
Bu echimini kutayotgan muammolarni hisobga olgan holda, shuningdek fan va texnika taraqqiyotining hozirgi rivoji, zamonaviy ishlab chiqarish darajasi, oliy ta’lim tizimida rassom-o‘qituvchi mutaxassislarni tayyorlashdagi kamchiliklardan kelib chiqib, mustaqil ta’limni faollashtirish asosida bo‘lajak rassom-o‘qituvchilarning amaliy-ijodiy tayyorgarligini takomillashtirish
maqsadi “Talabalarda mustaqil ta’lim olish faoliyatini takomillashtirishning ilmiy-metodik asoslari (1-2 kurs rangtasvir misolida)” mavzusini tanlash uchun asos bo‘ldi.
Do'stlaringiz bilan baham: |