Vazirligi nizomiy nomidagi toshkent davlat pedagogika

Ikkinchi bob bo‘yicha xulosalar

Ushbu bobda talabalarning ijodiy tayyorgarlik sifat va samaradorligini oshirish omili sifatida mustaqil ta’lim olish jarayonini faollashtirish masalasi qaraldi. Shu muammo bo‘yicha olib borilgan ilmiy izlanishlar quyidagi xulosani chiqarishga asos bo‘ldi:

1. 
   Hozirgi zamon davri sharoitida raqobatbardosh rassom-pedagog mutaxassislar tayyorlashda zamonaviy talablarga binoan ta’lim jarayonini tashkil etishning birdan-bir muhim sharti talabalarning mustaqil o‘quv faoliyatini faollashtirish hisoblanadi.
   
2. 
   Tadqiqot jarayonida mustaqil ta’lim olish tizimi yaratildi. U mustaqil ta’lim olish mazmuniga bog‘liq jarayon bo‘lib, mustaqil ta’lim materiallarini ishlab chiqish (qo‘shimcha adabiyotlar sifatida nashr etilgan adabiyotlar, audio, video, kompyuter dasturlari, multimedia va internet tizimlari axborotlaridan foydalanish uchun) ta’lim beruvchi faoliyati bilan bog‘liqdir.
   
3. 
   Mustaqil ta’lim olishda ta’lim mazmuni, mustaqil ta’lim materiallari asosiy komponent bo‘lib, o‘qituvchi va talaba muloqati asosiy omil bo‘lib, tadqiqot jarayonida talabalarning mustaqil ta’lim olish tizimi ishlab chiqildi.
   
4. 
   Mustaqil ta’lim bo‘lajak rassom-o‘qituvchilarning badiiy ijodiy tayyorgarlik darajasini oshirish omili bo‘lib, uni samarali tashkil etish mustaqil ta’lim materiallarini ishlab chiqishga modulli yondoshuvni talab etadi. Tadqiqot davomida mustaqil ta’lim materiallarini tayyorlashda modul usuli ishlab
   

chiqildi.

5. 
   Mustaqil ta’lim olish materiallari – mustaqil ta’lim olish tizimining asosiy bo‘g‘ini bo‘lib, ularning to‘laqonliligi va amaliyligi ko‘p jihatdan o‘quv jarayoni samaradorligini belgilovchi omil ekanligi tasdiqlandi.
   
6. 
   Tadqiqot jarayonida talabalarning rangtasvirdan mustaqil ta’lim olish faoliyatini tashkil etish va boshqarish texnologiyasi ishlab chiqildi.