Вазирлиги қарши давлат университети

М о д ул я ц и я
– усули аслиятдаги лексик бирлик маъносини таржимада 
кучайтириб беришдир. Бунда аслият маъноси таржимада сабаб-оқибатни 
ифодаловчи маънолар орқали кучайтирилади: I don’t blame them. – Я их понимаю. – 
Мен уларни тушунаман. (Сабаб муносабати оқибат муносабати билан ўгирилиб 
кучайтириляпти: Я их не виню потому, что я их понимаю. – Мен уларни 
тушунаман, шу сабабли айбламайман).
Модуляция орқали қилинган трансформацияда сабаб-оқибат муносабатлари, 
одатда, кенг маънода ифодаланади ва улар орасидаги мантиқий боғлиқлик ҳар 
доим сақланиб қолади: 
С и н т а к т и к мослаш у в усули аслиятдаги синтактик структурани 
таржима тилидаги шундай структура билан ўгиришни тақозо қилади ва бу, одатда, 
аслият ва таржима тилларида шундай параллел структуралар мавжудлигидан 

---

39 
далолат беради. Бироқ бу ўринда структурадаги компонентлар айрим ўзгаришларга
учрайди. Масалан, артикллар, ёрдамчи сўзлар тушириб қолдирилади, мустақил 
сўзлар айрим морфологик ўзгаришлар олади.
I always remember his words. – Я всегда помню его слова. – Мен унинг 
сўзларини доим эслаб юраман.
Гапни бир неча бўлакларга бўлиб таржима қилиш ҳам трансформациянинг
бир тури бўлиб, аслиятдаги эргашган қўшма гапларни алоҳида гаплар шаклида 
таржима қилиш ёки содда гапларни қўшма гап сингари таржима қилишни кўзда 
тутади.
Грамматик алмашинувда аслиятдаги бирлик таржима тилида бошқа 
грамматик бирлик билан алмаштирилади. Бу сўз шакллари (род, сон), сўз 
туркумлари ва гап бўлакларини алмаштириш орқали амалга оширилади. Масалан, 
инглиз тилида кўпликдаги от таржимада бирликда берилади ёки аксинча бўлиши 
мумкин.
Масалан: money (бирликда) – деньги (қўплик-да) – пул (бирликда); struggles 
(кўпликда) – борьба (бирлик-да) – кураш (бирликда) ва ҳ.к.
Энг кўп тарқалган грамматик трансформация тури – бу сўз туркумлари 
алмашинувида кузатилади. Бунда отларнинг феъл ва сифат билан алмашинуви 
кўпроқ учрайди.
Қиёсланг: 
He is а poor swimmer. – Он плохо плавает. – У ёмон сузади.
She is no good as a letter-writer. – Она не умеет писать письма. 
– У хат ёзишни билмайди.
Антонимик таржима лексик-грамматик трансформациянинг бир тури 
бўлиб, аслиятдаги тасдиқ шаклидаги фикр таржима тилида инкор шаклда ёки 
аксинча берилишини ифодалайди.
Антонимик таржимада аслиятдаги тил бирлиги таржима тилига қарама-
қарши маъно ифодаловчи бошқа сўз ёки иборалар билан ҳам ўгирилиши мумкин. 
Экспликация ёки изоҳли таржимада аслиятдаги луғавий бирлик таржима 
тилига тушунтириш, изоҳлаш орқали ўгирилади ва, одатда, муқобилсиз лексикалар 
таржимасида фойдаланилади: conservationist – сторонник охраны окружающей 
среды – атроф-муҳитни ҳимоя қилиш тарафдори; whistle-stop speech – выступления 
кандидата в ходе предвыборной агитационной поездки – номзоднинг сайлов олди 
тарғибот сафари.
Компенсация аслият унсурларини таржима тилидаги воситалар ҳисобига
тўлдириш учун қўлланади. Бунда аслият тилидаги грамматик воситалар таржима
тилининг лексик воситалари орқали ифодаланади ёки, аксинча. Бу, кўпинча, 
аслиятда персонажнинг бузуқ нутқини таржима тилида ўзига хос воситалар орқали 
ўгиришда кузатилади. Масалан, инглиз халқи тилида учрайдиган айрим унли ва 
ундош товушларни ташлаб гапириш таржима тилида ҳам худди шундай 
воситалардан фойдаланиб, компенсация қилиш заруратини келтириб чиқаради. 
Масалан, it, appen дейиш ўрнига а-singing, а-going, hit шаклларидан 

---

40 
фойдаланилади. Кўпинча, халқ тилида эга ва кесим орасидаги мослашув амалга
оширилмайди: I was, you was. Бунда таржимон она тили айнан шундай ҳолатларда 
ишлатиладиган воситалардан фойдаланади. Бу орқали персонажнинг гапириш 
усули, унинг характеридаги ўзига хосликлар қайта тикланади.
Хулоса 
Трансформацияларни лексик ва грамматик турларга бўлиб ўрганиш 
жараёнида шуни англашимиз керакки, амалиётда ушбу ўзгаришлар доимо 
кузатилади. Юқорида айтиб ўтилган лексик ва грамматик трансформациялар
қўллашдан асосий мақсад таржимонга юқори сифатли муқобилликка эришиш 
учун яна бир имконият яратишдир.