Vatan tuygusi 5 2015. p65

1991-yil 31-avgustda Prezident Islom Karimov O‘zbekis-
ton mustaqilligini butun dunyoga e’lon qildi.
Davlatimiz rahbarining milliy qadriyatlarimizni tiklash borasidagi
xizmatlari ham beqiyos. Yurtboshimizning tashabbusi bilan tilimiz,
dinimiz, milliy g‘ururimiz, Navro‘z, Ramazon hayiti, Qurbon hayiti
kabi milliy bayramlarimiz qayta tiklandi. Yurtdoshlarimiz haj va umra
safarlariga erkin borib keladigan bo‘ldilar. Ilgari nomi ham, asarlari
!

---

91
ham, tarixiy ishlari ham bizdan sir tutilgan ne-ne buyuk ajdodlarimiz
yana o‘zimizga qaytdi. Ularning qadamjolari obod qilindi. Avvalgi
suhbatlarimizda aytilganidek, ko‘hna shaharlarimizning tarixiy sanalari
xalqaro miqyosda keng nishonlanib, u yerlardagi me’moriy obidalar,
osori atiqalar tubdan ta’mirlandi.
Bugungi kunda mamlakatimiz barcha sohalarda katta yutuqlarga
erishib, iqtisodiy qudratimiz, xalqimizning farovonligi, Vatanimizning
xalqaro obro‘si va nufuzi ortib bormoqda. Shahar va qishloqlarimiz-
ning chiroyiga chiroy qo‘shilmoqda. Bularning barchasi Prezidentimiz
rahbarligida uzoqni ko‘zlab amalga oshirilayotgan islohotlar natijasidir.
Ayniqsa, 1997-yili Yurtboshimiz tashabbusi bilan ishlab chiqilib,
qabul qilingan Kadrlar tayyorlash milliy dasturi mamlakatimizda 12
yillik umumiy majburiy, bepul ta’lim tizimini joriy etishda muhim
ahamiyatga ega bo‘ldi.
Sobiq tuzum davrida maktablarimiz, bolalar bog‘chalarini, hatto,
ozgina ta’mirlash uchun ham pul topilmas edi. Mustaqillik yilla-
rida, xususan, 2004–2009-yillarda yurtimizdagi 1000 ga yaqin
umumta’lim maktabi tubdan rekonstruksiya qilindi yoki ularning
ko‘pi yangitdan qurildi. Shuningdek, mamlakatimizda 1500 dan ortiq
litsey va kollej, 69 ta oliy o‘quv yurti – universitetlar, institutlar,
akademiyalar yoshlarimizning chuqur bilim va malaka olishi uchun
xizmat qilmoqda.
Prezidentimizning milliy davlatchiligimizni tiklash, xalqimiz hayoti-
ning barcha sohalarini isloh etish yo‘lidagi xizmatlari benihoya ulkan
bo‘lib, ularning barchasini nomma-nom sanab o‘tishning imkoni
yo‘q, albatta. Shuning uchun Prezident Islom Karimovning nomi
mustaqil davlatchiligimiz, ona Vatanimiz timsoliga aylanib ketgan.