Vatan qalbim quyoshisan

Bir yurak “xalqim” deb urib turganda…
Ma’suda Tojiboyeva.
11- o`quvchi :


Yuz yigirma besh yil bukib qaddini,
Qadrin tuproqlardan qidirgan xalqim.
Sen- ku, ichga yutib achchiq dardini,
Rizqin qirqqa bo`lib yedirgan xalqim.
12- o`quvchi :
Baribir, “sen – yaxshi”, demadi hech kim,
Nomingni bulg`adi tili uzunlar.
Dedilar: “Bu yurtning tomog`i tekin”,
Bisoting xomtalash qilgan quzg`unlar.
13- o`quvchi.
Xalqim, tinchlik asli benazir javhar,
Chashming qarog`iga joylagin uni.
Bevaqt to`kilmasin ko`zdagi gavhar,
Tahdidga sergaklik - umring mazmuni.
1- boshlovchi: Hech bir kishi o`ziga Vatan tanlab tug`ilmaydi. Zero u qayerda tug`ulmasin o`sha makon uning issiq Vatani. Vatanni borligicha sevaylik.
2-boshlovchi:
Vatanni sevish- bu tug’ilib o’sgan tuproqqa, ajdodlarimiz xotirasiga hurmat-ehtirom. Shu bilan birga, ona tilimizni, milliy qadriyatlarimizni asrab-avaylash hamdir. Vatanga xiyonat qilish eng og’ir gunoh hisoblanadi.
Sahna ko’rinishi : Ajdodlar hukmi .
(Sahnaga tarixiy siymolar kabi kiyingan oq’uvchilar kirib kelishadi).
1-o’quvchi: Bahovaddin Naqshband:
Na dilida yor – u
Na dastida kor,
Qonxo’r maxluqlardan bo’lingiz hushyor.
2-o’quvchi: Imom Buxoriy:
Vatanni sevmoqlik, - dedik, - iymondan,
Bu bad kor chiqmagay hech musulmondan.
3-o’quvchi: Najmiddin Kubro:
Xalqqa g’anim bo’lgan - Haqqa g’animdir,
Vatan - Ka’ba misol sig’inganimdir.
4-o’quvchi: Farg’oniy:
Nahot, ozod bo’lgach aql-u tafakkur,
Avlodimdan chiqmish sotqin-u manfur ?
5-o’quvchi: Ulug’bek:
Taxt talashgan padarkush vatanfurush bo’lg’usi,
Tarix tajribasi shul: It qavmida o’lg’usi.