Vatan himoyachilari kuni

(Zahiriddin Muhammad Bobur ijodiga bag’ishlangan mushoira stsenariysi.)

1-boshlovchi: Bu gulshan ichra yo’qdir baqo guliga sabot,

Ajab saodat erur yaxshilik birla chiqsa ot.

Darhaqiqat, bu bebaho dunyoda yaxshi nom qoldirishdek buyuk baxt saodat yo’q.. Benazir shoir Bobur aytganlaridek:

Bori elga yaxshilig’ qilg’ilki, mundin yaxshi yo’q,

Kim degaylar dahr aro qoldi falondin yahshilig’.

Yahshilig’ ahli jahondin istama Bobur kibi,

Kim ko’ribdur, ey ko’ngil, ahli jahondin yaxshilig’.

Hayotda yaxshi nom qoldirgan shaxslardan biri Boburdir.

2-boshlovchi: Afg’oniston va Hindiston hududida yirik davlatga asos solgan shoh Bobur XVI asr o’zbek adabiyotining namoyandasi hamdir. U is’tedodli shoir, bilimdon tarixchi, adabiyotshunos, tarjimon va musiqashunos edi.

1-boshlovchi: Bugungi mushoiramiz ana shu tabarruk zot-boy ma’naviy dunyo sohibi, nafis g’azallar muallifi, nozikta’b shoir, barkamol inson Zahiriddin Muhammad Bobur xotirasi qarshisida bir ta’zim xolos.

2-boshlovchi: Endi mushoiramiz shartlari bilan tanishtiramiz.

1-shart: Tanishtiruv. (har ikkala guruh sahnada Boburning siymosini gavdalantiradi.)

2-shart: Bobur ijodi bo’yicha savollarga javoblar.

3-shart: Bahru bayt. (Shoir ruboiy va g’azallari asosida.)

4-shart: Sardorlar bellashuvi. (Test sinovi.)

5-shart: Badiiy qism. (Bobur g’azallari bilan aytiladigan qo’shiqlar ijro etiladi.

1-boshlovchi: 1-shartni bajarish uchun navbatni 1-guruh (“Nafosat”)ga beramiz.

Sahnaga Bobur qiyofasidagi o’quvchi chiqib keladi va quyidagi monologni o’qiydi:

Bobur so’zi.

O’z yurtini tark etib Hindga yuzlangan,

Bahori bemavrid so’nib ko’zlangan,

Xeshlaridan aldanib rosa tuzlangan-

Mirzo Boburmen.

Oxir taslim bo’lib taqdir – azalga,

Og’uni almashib qandu asalga,

Dardlarini to’kkan she’ru g’azalga-

Mirzo Boburmen.

Shohlik qolgan ekan otamdan meros,

Ne qilsamki qildim, temuriyga xos,

Qo’lida o’ynatgan qilich, qalam, soz –

Mirzo Boburmen.

Andijon holini so’rolmay qolgan,

Yurtiga yuzini burolmay qolgan,

Ustoz Alisherni ko’rolmay qolgan-

Mirzo Boburmen.

Kuylagan Farg’ona-viloyatim, deb,

Yo’l bosgan Shosh tomon himoyatim deb,

Tuzuklar tuzdirgan hikoyatim deb.-

Mirzo Boburmen.

Goho taskin topgan qirg’inbarotdan,

Eldirimdek o’tgan ko’hna Hirotdan,

Yo’lbarsdek sakragan ne pilsirotdan –

Mirzo Boburmen.

Yozmishman ko’nglimni tah-batah qon deb,

Yurtimda gadolik qilarman jon deb,

Buyuk Hind sig’ingan “shoh”, “sulton” deb –

Mirzo Boburmen.