O’g’lonlaring
Vatan seni deya tunlari bedor
Xizmatda hamisha mard o’g’lonlaring
Senga xizmat qilmoq ko’ksidagi or
Ko’ksi qalqon bo’lgan pahlavonlaring
Xizmatin sharaf-shon bilgan ham ular
Sen deya jon fido qilgan ham ular
Ma’suliyat yukini olib yelkaga
Vatanga munosib bo’lgan ham ular
Ham oila ham Vatan turar oldida
Qasamyod qilgan-ku xalqi poyida
Baxramand xalqining mehr soyidan
Vatanga munosib bo’lgan o’g’lonlar
Ko’ksini tog’ qilgan mard pahlavonlar
Vatan ishqi bordir tanxo qalbida
Yaratgan ishqini ulug’lab bunda
Burchga sadoqat-la xizmatin qilar
Vatanga munosib pahlavonlaring
Gulimga tabrik
Gulginam ushbu kun qalbing shod-xandon
Tahsin aytar senga olam-u jahon
Beg’ubor pok qalbing ko’rmasin armon
G’am anduh oldida bosh egma nolon
Yashagin hamisha baxtdan shod masrur
Boshingnitik tutgin va bo’lgin mag’rur
Qalbingda oshyonin topsin bir huzur
Yuzingda porlasin ziyo ila nur
Hamisha hammavaqt bo’lgin salomat
Senga shu she’r ila qalbim omonat
Alloh ham ko’rsatar bu kun karomat
Pok diling bilmasin sira nadomat
Qalbing baxt-u shodlik makoni bo’lsin
Ko’zlaring hamisha quvonchdan kulsin
Yuraging eng ezgu xislarga to’lsin
Tavallud ayyoming muborak bo’lsin !!!
Do'stlaringiz bilan baham: |