Varieties hand out notes uzb

Kasalika qarshi kurashish 
Chang nazorati va bog‘ sanitariyasi (eski mevalarni va quruq shoxlarni olib 
tashlash) kabi bog‘ni samarali boshqarish amaliyotlari kasallik paydo bo‘lishi oldini 
olishga yordam beradi. Mevalarni hasharotlar zarari va mexanik shikastlanishdan 
ehtiyot qiling. Mevalar bilan ishlayotganda (yig‘ib olish, saralash, qadoqlash va 
saqlash) iloji boricha ularga shikast yetkazmaslikka harakat qiling.
Anor mevalarini to‘g‘ri saqlash ularning chirishining oldini olishga yordam 
beradi. Anor mevalarini terimdan keyingi 2 oy muddatgacha 5°C va 2 oy 
muddatdan ko‘proq vaqtga 7°C haroratda samarali saqlash mumkin. Mevalarni 90-
95% o‘rtacha namlik sharoitida saqlash tavsiya qilinadi. Agar mevalarni 3 oydan 
ko‘proq muddatga saqlanilsa, 5% kislorod va 15% diksid uglerod holatida 
atmosfera nazoratga olingan maxsus saqlash muhiti talab qilinadi.
Mevalarda ko‘k yashil mog‘or kasalligi 
Konilla granati (Coniellagranati) meva 
buzilishi
Kasallik qo‘zg‘atuvchi: Coniellagranati 
(Sinonim: Pilidiellagranati) zamburug‘i 
(2.16.3-rasm) 
2.16.3-rasm. Konilla granati (Coniellagranati) meva buzilishi

---

169 
 
Belgilari:
Konilla granati yana anor barglarining dog‘lanishi deb ham nomlanadi, 
o‘simlikka va uning mevasiga zarar yetkazadi. Bu kasallik Isroilda anor daraxti 
barglarining kichiklashib, sarg‘ayib o‘sishdan sustlashgani, Xitoy, Eron va 
Ispaniyada anor daraxtlarining qurib qolishi va mevalarining chirishi, Gretsiya va 
Turkiyada esa ildiz bo‘g‘zi chirishi muammolari bilan daraxtlarni nobud qilgani 
xususida ma’lumotlar bor.
Kasallangan o‘simliklarda o‘sishdan sekinlashish, barglarinig kichiklashib va 
sariq tusga kirishi va vaqt o‘tishi bilan butunlay nobud bo‘lishi belgilari kuzatilgan. 
Kasallik mevani ham zararlaydi. Kasallikning dastlabki belgilari kichik dumaloq 
dog‘lar ko‘rinishida paydo bo‘ladi va so‘ngra hajmi kattalashib jigarrang yaralarga 
aylanadi. (2.16.4-rasm)