Valyuta kursi

2020 yilda jismoniy shaxslar tomonidan amalga oshirilgan operatsiyalar hajmi

54
Markaziy bankning valyuta intervensiyalari

Markaziy bankning valyuta intervensiyalari oltin-valyuta zahiralarining neytralligi prinsipiga asoslangan holda amalga oshirildi. Markaziy bank tomonidan sotilgan chet el valyutasining sof hajmi yil davomida sotib olingan monetar oltin hajmi doirasida bo‘lishi ta’minlandi. Xususan, hisobot yilida Markaziy bank tomonidan sotib olingan 56,0 trln. so‘mlik monetar oltin natijasida yuzaga kelgan qo‘shimcha likvidlilikni sterilizatsiya qilish maqsadida 53,0 trln. so‘m ekvivalentidagi valyuta mablag‘lari valyuta birjasida sotildi.
2020 yilda valyuta birjasida amalga oshirilgan operatsiyalar va Markaziy bank intervensiyalari hajmi

2020 yilda importni moliyalashtirish manbalari tarkibida xorijiy valyutadagi kreditlar hisobiga importni moliyalashtirish ulushi 25 foizdan 18 foizga pasayishi kuzatilib, ichki valyuta bozorida sotib olingan mablag‘lar (konvertatsiya) ulushi 52 foizdan 58 foizga oshdi.

2019-2020 yillari importni moliyalashtirish manbalari

55
Milliy valyutaning almashuv kursi dinamikasi valyuta bozoridagi talab va taklifning joriy nisbatidan kelib chiqib, ichki va tashqi omillar ta’sirida shakllandi.

Joriy yilning birinchi yarmida pandemiya ta’sirida tashqi va ichki iqtisodiy sharoitlarning o‘zgarishi, asosiy savdo hamkor davlatlar valyutalarining keskin devalvatsiyasi natijasida devalvatsion kutilmalarning o‘sishi, shuningdek, ichki valyuta bozorida chet el valyutasiga bo‘lgan talabning o‘sishi kabi omillar ta’sirida milliy valyuta 7,2 foizga qadrsizlandi.
Yilning ikkinchi yarmida so‘mning almashuv kursi nisbatan barqaror dinamika kuzatilib, 2,7 foizga qadrsizlandi.
2020 yil davomida valyuta birjasi savdolarida AQSH dollari kursi dinamikasi

Umuman olganda, 2020 yil davomida milliy valyutaning AQSH dollariga nisbatan almashuv kursi yil boshiga nisbatan (9501 so‘m/doll.dan 10461 so‘m/doll.gacha) 10,1 foizga qadrsizlandi.

O‘z navbatida, joriy yilda milliy valyutaning almashuv kursi ichki valyuta bozorida vujudga keladigan talab va taklif asosida uzoq muddatli fundamental trend doirasida shakllanishi prognoz qilinmoqda