«Valeologiya asoslari»

Fakultet va yotoqxona terma jamoalari orasida spartakiadalar o‘tkazish
Alohida xususiyatli va sport o‘yinlari bo‘yicha musobaqalar asosida fakultet uchun ma’sul o‘qituvchilar tomonidan eng yaxshi, alohida ajralib turgan talabalardan terma jamoalar tashkil etiladi.
Fakultet, yotoqxona terma jamoalari orasidagi musobaqalar to‘g‘risida ishlab chiqilgan nizomga muvofiq hamda jadval va o‘yinlar taqvimiga ko‘ra musobaqalar butun o‘quv yili davomida o‘tkaziladi.
Talabalar kasaba uyushmasi fakultet terma jamoasi, alohida sport turlari bo‘yicha g‘oliblarni rag‘batlantirish uchun mablag‘lar ajratadi. Sovg‘alarni topshirish o‘quv yili davomida yoki oxirida sport kechasida amalga oshiriladi.
SHuni ta’kidlash joizki, musobaqa natijalarining maxsus taxtada o‘z vaqtida ask ettirilishi katta qiziqish uyg‘otadi. Natijalarning tengdoshlar, musobaqa ishtirokchilari bilan muhokama qilinishi ularning musobaqalarda muntazam ishtirok etishga bo‘lgan qiziqishlarini oshiradi.
Talabalar sporti haftaligi dasturi doirasidagi musobaqalar
Talabalar sporti haftaligi dasturi doirasida respublika, shahar oliy o‘quv yurtlari orasida o‘tkaziladigan musobaqalar umuman, oliy o‘quv yurti professor-o‘qituvchilari tarkibining sport ishlari natijasi hisoblanadi. Sport turlari bo‘yicha terma jamoalarning rektor, dekan, kasaba uyushmasi, yoshlar tashkiloti ishtirokida tuzilishi mazkur musobaqalarning ahamiyatini yanada oshiradi.
Musobaqa natijalarining maxsus taxtada namoyish etilishi, ularning ilmiy va fakultet kengashlarida muhokama qilinishi, yuqori sifat natijalariga erishgan sportchilarning hamda jamoalarning mukofotlanishi kursdoshlar, oliy o‘quv yurti talabalarida ham bellashuvlarga, ularning ishtirokchilariga bo‘lgan qiziqishni oshiradi. Taxtadagi sportchilar va terma jamoalarning suratlari musobaqa ishtirokchilarining intizomini baytirib, ularga jamoaning e’tiborini tortadi.
Musobaqalarga tarbiyaviy nuqtai nazardan baho berishda ma’naviy mezonlarni ham qo‘llash, shug‘ullanuvchilarning asoslarini, o‘zaro yordam hissining rivojlanganlik darajasi intizomlilikka baho berish juda muhim. Musobaqa yakunlarini o‘tkazish uchun uning borishi va natijalarini chuqur o‘rganish har tomonlama tahlil qilish, natijlar va xulosalarni jamoatchilik bilan muhokama etib, imkon qadar xolislikka erishish zarur. Musaboqalarda o‘zini ko‘rsatgan ishtirokchilarni rag‘batlantirish to‘g‘risida qaror qabul qilishda terma jamoalar va alohida talabalarning rag‘batlantirilishini, moddiy hamda ma’naviy rag‘batlantirish vositalarini pedagogik jihatdan to‘g‘ri uyg‘unlashtirish juda muhim. Musobaqa g‘oliblarini ma’naviy rag‘batlantirishning (sovrinlar, bayroqlar, yorliqlar) jamoatchilik nigohidagi qadr-qiymatini ko‘tara bilish rektorat hamda oliy ta’lim muassasi professor-o‘qituvchilarining pedagogik mahorati ko‘rsatkichlaridan hisoblanadi.