Ва ўрта махсус

Юзларимни, бошларимни силаб йиғлади. («Истанбул фожиаси»)

2. 
   Ҳурмат маъносини билдиради.
   

Мисол: Ана, кўряпсанми? Менинг дадамлар! Дада!
Овозим ҳеч чиқмайди бироқ. (“Нидо”)

3. 
   Жамлаш маъносини билдиради.
   

Мисол: Бу шаҳарга мангу қилиб,
Ўчмас қилиб зарҳали
Ўрнатилсин Фарҳодларнинг,
Мажнунларнинг ҳайкали (Э.Воҳидов)

4. 
   Нарсаларнинг тур-хилини билдиради.
   

Мисол: Байрам столига сувлардан олиб келинг. (Сўзлашувдан)

5. 
   Тахминни билдиради.
   

Мисол: Эрталаб соат саккизларда булут қучоқлашиб, ҳаммаёқни қоронғилик босди. (Мирмуҳсин).

6. 
   Пичинг, кесатиқни билдиради.
   

Мисол: Бу ишни бажарган ўзларими? (Сўзлашувдан)


Эгалик қўшимчаларининг услубий хусусиятлари

Эгалик аффикси айрим сўзларда соф қарашлилик маъносидан ташқари ҳиссий-таъсирчан бўёқ ифодалаши мумкин. Улар қуйидаги кўринишларга эга:

1) мурожаатда қўлланувчи(болам, қўзим, лобарим, азизим, онам каби) сўзлар таркибидаги сўзловчининг хусусий муносабатини ифодалаб, ҳиссий-таъсирчанликни оширади. Хоним, шоҳим каби сўзларда эса шахсга ҳурмат маъноси ифодаланади. Хоним, яхши ўтирибсизми? Бунча кўзларинг хомуш, қўзим. (сўзлашувдан)
2)бирор шахсни ўзига таниш ёки яқин тутишни ифодалайди. Бу ҳол кўпинча қариндошлик билдирувчи сўзлар таркибида учрайди: Абдусалом – Қиличбек укам, ўша нарсаларни бизникига олиб чиқиб қўй. (Э.Воҳидов) Э, укам, бунда пулга тилла тугул, жез ҳам ололмайсиз. (Э.Воҳидов)
3)киноя, кесатиқ ифодалайди: Бунча гапингиз кўп, опам. (сўзлашувдан)
4) баъзан эгалик аффиксининг биринчи шахс бирликдаги шаклини метафорик қўлланишдаги сўзга бириктириб, нутқ субъектининг ижобий баҳо муносабатини ифода этади. Масалан:
Шириним, ҳақ сўзларнинг бари,
Эл зори бор бувинг зорида.
Сен ўйлайсан фалак ишлари
Дадажонинг ихтиёрида. (Э.Воҳидов)
5)эгалик қўшимчалари шахс ва сонда алмашади ва турли услубий маъноларни беради. Масалан, Қулмуҳаммад ака! Нима харид қиласиз? Янгамизга тилла сирға олинг! (Э.Воҳидов)
Бу ўринда аслида янгамизга сўзи янгамга тарзида қўлланиши лозим эди. Кўпликдаги эгалик аффиксининг бирлик ўрнида ишлатилиши орқали нутқ субъектининг шахсга нисбатан баҳо муносабати (ҳурмати, ўзига яқин тутиши) ифода этилган.
Ойиси, қизчага нима олиб келдингиз?(С.Аҳмад)
6) эгалик аффикслари тушириб қолдирилади.Масалан: