Ва ўрта махсус

7.Унинг остида бувак - укачам кўзларини чирт юмиб, қовоғини солиб ётарди. Ушбу гапдаги бувак сўзи қайси ҳудудга тегишли?
А)Андижон
В)Тошкент
С) Бухоро
Д) Самарқанд
8.Фасоҳат сўзининг замонавий вариантини топинг.
А) эстетика
В) психология
С) нутқ маданияти
Д) нотиқлик санъати


Грамматик услубият. Отлардаги субъектив баҳо шакллари ва эгалик, келишик аффиксларининг услубий вазифалари
Режа:
1. От ясовчи қўшимчаларнинг услубий хусусиятлари
2. Эгалик қўшимчаларининг услубий вазифаси
3. Келишик қўшимчаларининг услубий вазифалари
4.Отнинг субъектив баҳо шакллари
Таянч сўз ва иборалар: субъектив баҳо, морфологик параллелизм
Дарснинг мақсади: талабаларда бадиий матннинг морфологик хусусиятлари ҳақида тушунча ҳосил қилиш. Отнинг услубий хусусиятлари ҳақида маълумот бериш
От ясовчи қўшимчаларнинг услубий хусусиятлари. От ясовчи аффикслар ва уларнинг вариантлари, синонимлиги, фаол ва нофаоллиги, турли нутқ услубларида ишлатилишдаги фарқлари стилистик қимматга эга. Ўзбек тилининг бошқа тиллар билан муносабати асосидаги от ясовчи аффикслар синонимиясига –чи морфемасининг турли матнда тожикча –каш, русча –ист аффикслари билан синонимлик ташкил қилишини кўрсатиш мумкин. Тракторчи-тракторист, машиначи-машинист, меҳнаткаш – меҳнатчи.Тожикча -кор, -кар,-гар, -каш,-гаш аффикслари маъно жиҳатидан –чи ясовчисига яқин бўлиб, касб оти ясаб келса ҳам, кўп ўринларда бирининг ўрнига иккинчисини қўллаб бўлмайди. Масалан, бинокорни “биночи”, мискарни “мисчи” деб бўлмайди. Демак, сўз ясовчи шаклларни ўзи қўшилиб келадиган ўзак маъносига мос ҳолда қўллаш талаб қилинади. –шунос, -парвар, -хўр, -пас, -дўз, -бон, -гар, -соз, -хон каби ясовчи аффикслар (аффиксоид) сифатида хизмат қилади. Бундай аффикслар ёрдамида ясалган отларда китобийлик бўёғи бўлади³⁰.
Кўплик қўшимчасининг услубий хусусиятлари.
Бу аффикс турли сўз туркумларига қўшилиб турли услубий вазифа бажаради:
1. Инсоннинг жуфт аъзоларига, саналмайдиган отларга, мавҳум отларга, атоқли жой номларига қўшилганда маънони кучайтиради.
Мисол: «Болам, болам!» деб елкамга осилганича
Йиғлайберди. Совун юқи қўллари билан