Ва ўрта махсус

1-топшириқ Гаплар тузинг. Бу гапларда қуйидаги сўз ва сўз бирикмалари ундалма вазифасида келсин.
Тошкент, азиз талабалар, онам, қўзим, лобар қиз, барно йигит, сингилжон, лолақизғалдоқ.
2-топшириқ Қуйидаги шеърий парчалардан ундалмаларни топинг ва изоҳланг.
1.Донолар! Сизга айтай
Ўйлаган бир хаёлим.
Уни айтишдан аввал
Бордир битта саволим.( Э.Воҳидов)


2. Шоир! Эй тинчимас оловли юрак!
Адолат юлдузи сенга маёқдир.( Э.Воҳидов)

3.Райҳон, айланай райҳонингдан сенинг
Ойқабоқ гўзалим жонингдан сенинг (М.Юсуф)

4.Муҳаббатим, қайдасан қалб ардоғим,
Жайронқўзим, қирларда қолган оҳум. (М.Юсуф)

5.Мард йигит, ёринг бўлай,
Ҳам вафодоринг бўлай.
Сен ёвга қарши отлан,
Мен мададкоринг бўлай.(Миртемир)


3-топшириқ. “Азизим онам” мавзусида матн тузинг. Матнингизда шукур, қарабсизки, афтидан, айтишларича, афсус, демак, ҳақиқитан каби кириш сўзларни қўлланг.


4-топшириқ. Ундалмаларнинг гапдаги ўрни билан боғлиқ услубий хусусиятларини баён қилинг.
1. Биласизми, Йўлчи, бу ерда кимни судрадингиз? (Ойбек). 2. Дунёда бунақа жониворлар кўп, Арслон ака. (А.Қаҳҳор). 3. Арслонбек ака, иғвогарларнинг гапига ишонманг. (А.Қаҳҳор). Бу гапни менга айтдинг, ўртоқ, бошқа одамга оғзингдан чиқарма. (А.Қаҳҳор). 5.Ука, шу нонларнинг пулини сиз бериб туринг, чўнтагимда пулим йўқ экан. (С.Аҳмад). 6.Ёлғиз онангнинг бахтига сен омон бўлгин, қўзим. (Ҳ.Ҳ.) 7.Дадангни ҳурмат қил, пучуқ. (Ҳ.Ғ.) 8.Азиз ўлкам, Ўзбекистон! Шонли тўйинг муборак! (У.) 9.Хадича! Сарви! Қумри! Эркиной! Уйларингизга боринглар. Эрталаб учрашамиз. (С.Зуннунова)


5-топшириқ. Ундалма ва киритмаларнинг фарқли ва ўхшаш томонларини топинг ва Венн диаграммасига жойлаштиринг.

Киритмалар

Ундалмалар

Ўхшаш томонлари