Ва ўрта махсус

1-топшириқ. Гапларда қандай фикр ифодаланганлигини аниқланг, гапларни кўчириб, мазмунига кўра қайси хат турига тегишлилигини кўрсатинг.
1.Анжуманда қуйидаги масалалар кўриб чиқилди. 2. Ушбу қўлёзмаларни муҳокама қилиш ва тегишли хулоса бериш учун йўллаймиз. 3.Маърузачиларни таклиф этиш, кутиб олиш ва турар-жой билан таъминлашни лицей маъмурияти ўз зиммасига олади. 4.Мавжуд буюртмаларни бажаришга улгурмаётганлигимиз сабабли илтимосингизни бажара олмаслигимизни маълум қиламиз. 5.Бирлашма тажриба-синов ўтказиш учун барча шароитларни яратишга кафолат беради. 6. Иловани ушбу шартноманинг ажралмас қисми деб ҳисоблашингизни сўраймиз. 7. Рўйхатда кўрсатилган дарсликларни етказиб бериш учун тегишли нусхада буюртмалар қабул қилинади.
2-топшириқ.Аризанинг турларини ёзинг.

3-топшириқ. Қуйидаги қолиплашган бирикмаларни дафтарингизга кўчириб олинг ва хотирангизда сақлаб қолинг. Бу бирикмалардан фойдаланиб, ўқув амалиётида қатнашмаганингиз сабаби тўғрисида тушунтириш хати ёзинг.
Зарурият туфайли, бетоблиги сабабли, шифохонада даволанаётганлиги учун, носозлиги туфайли, ёмон ташкил этилганлиги сабабли, жорий этилганлиги муносабати билан, имконияти йўқлиги туфайли, вафот этганлиги сабабли, об-ҳаво ноқулайлиги учун, ўзгарганлиги муносабати билан, хабар берилмаганлиги сабабли, эътиборсизлик туфайли, рухсат берилмаганлиги сабабли.
4-топшириқ. Матнни ўқинг, унинг зарурий қисмларини аниқланг ва тавсифланг.
Таржимаи ҳол
Мен, Собиров Нодир Нозим ўғли, 1985 йил 27 июнда Бухоро шаҳрида хизматчи оиласида туғилдим. Отам – Собиров Нозим вилоят йўл қурилиши бошқармасининг бош муҳандиси, онам – Намозова Насиба 18-ўрта мактабда ўқитувчи бўлиб ишлайдилар. Укам - Намозов Насим 7-синфда ўқийди.
1992 йилдан 2002 йилгача Бухоро шаҳридаги 18-мактабда ўқидим. Мактабда синф деворий газетаси муҳаррири бўлдим. Она тили ва адабиёт фанларига жуда қизиқаман. Бу фан бўйича вилоят олимпиадасида 2-ўринни эгаллаганман. Теннис бўйича республика мусобақаларида фахрли ўринларни олганман.
9-синфни тугатиб, 2002 йилда Бухоро давлат университетининг академик лицейига ўқишга кирдим.
Уйланмаганман.
Менинг турар жойим: Бухоро шаҳри, Янгиер кўчаси, 51-уй.

(имзо) Н.Собиров.

2002 йил 21 май