Ва ўрта махсус

Глоссарий:
акт – (лотинчадан амал, ҳаракат; ҳужжат, қарор), муассаса ёки айрим шахс(лар)га оид хатти-ҳаракат (воқеа, ҳодиса) ёки ҳолатни тасдиқлаш, гувоҳлик асосида қайд этувчи, бирдан ортиқ киши томонидан тузилган ҳужжат; далолатнома.
фармон – (амр, ҳукм; кўрсатма; қатъий қарор), ҳокимият олий органи ёки давлат бошлиғининг қонун кучига эга бўлган буйруғи, фармойиши.
баёнот –давлатлараро дипломатик муносабатлар, музокаралар, халқаро аҳвол ва шу каби масалалар ҳақида манфаатдор томонларнинг расмий фикрлари, қарашлари ҳамда мақсадларини ифодалайдиган ҳужжат.
шартнома – томонлар (икки ёки бир неча шахс) ўртасида тузилган, уларнинг ҳуқуқ ва мажбуриятлари қайд этилган битим.
эълон – (кўпчиликка маълум қилиш, билдириш; хабарнома), кўпчиликка етказилиши зарур бўлган хабар, янгилик, буйруқ, фармон; шундай хабар ёзилган қоғоз, ҳужжат, билдириш.
нота – (лотинчадан белги; мулоҳаза, қайд этиш; хат, мактуб), бир давлатнинг бошқа бир давлатга ёзган расмий дипломатик мурожаатномаси.
битим – ўзаро келишув, тўхтам, қарор; тарафлар томонидан расмий равишда тузилувчи, қабул қилинувчи аҳднома, шартнома, контракт.
мунозара – (баҳс, мубоҳаса, тортишув; назорат), илмий, адабий, сиёсий, диний каби масалалар юзасидан тортишув, баҳс; мумтоз адабиётда кенг тарқалган жанр; фикрлар кураши, қарама-қаршилиги шаклида ёзилган асар.
қарор – (тўхтам, ҳукм, хулоса), расмий орган, ташкилот, мажлис, мансабдор шахс кабиларнинг бирор иш, масала юзасидан бамаслаҳат қабул қилган тўхтами, ҳукми.
чақириқ - партия, ҳукумат, қурултой, мажлис кабилар томонидан эълон қилинган мурожаат, даъват ёки шиорлар; навбатдаги сайловдан кейин ҳамкорликда иш олиб борувчи депутатлар таркиби.
топшириқ – кимса ёки ташкилотнинг зиммасига юклатилган иш, вазифа.
вазифа – (амал, лавозим; хизмат, топшириқ), бажариш учун берилган, топширилган иш; топшириқ.
буйруқ – бажарилиши муқаррар бўлган топшириқ, вазифа.
қонун – (тартиб, қоида, кўрсатма; ҳуқуқ; кодекс; усул, расм), давлат ҳокимияти томонидан қабул қилинган, ҳамма учун мажбурий саналган ижтимоий-ҳуқуқий меъёр ва муносабатларни белгиловчи расмий қоида; шундай муносабатларни мустаҳкамлаш, ривожлантириш ва тартибга солиш воситаси.