Va muvofiqlashtirish boshqarmasi

Takrorlash uchun savol va topshiriqlar

1. 
   Tvorog tarkibida qanday oziq moddalar bor? U nima uchun ovqatlanishda zarur bo'ladi?
   
2. 
   Tvorog aralashmasi (qiyma) tarkibiga qaysi mahsulotlar kiradi?
   
3. 
   «Tvorog qiymali chuchvara» taomini tayyorlashning texnologik chizmasini tuzing. U tez pishiriladigan tvorogli chuchvaradan nimasi bilan farq qiladi?
   
4. 
   Quyidagi masalliqlar: tvorog, bug‘doy uni, tuxum, shakar, tuz, sariyog¹, smetana to‘plamidan foydalanib qanday ovqatlar tayyorlash mumkin? Ana shu taomlarni tayyorlashning texnologik chizmasini tuzing.
   
5. 
   Tvorogli puding qay tarzda tayyorlanadi va suzib beriladi? U tvorogli zapekankadan nimasi bilan ajralib turadi?
   
6. 
   «Tvorogli sirnik» va «tvorogli zapekanka» taomlari sifatiga qanday talablar qo‘yiladi?
   
7. 
   Tvorogdan tayyorlangan ovqatlarni saqlash muddatlari qancha?
   

YAXNA TAOMLAR
Yaxna, ya’ni sovuq holatda iste’mol qilinadigan taomlar (gazaklar) odamning ovqatida katta ahamiyatga ega. Ular qimmatli oziq moddalarga boy bo‘lib, ishtaha ochilishiga, ovqat yaxshiroq hazm bo‘lishiga yordam beradi, muayyan quvvatga (kaloriyaga) ega. Yaxna taomlar turli sabzavotlar, mevalar, go‘sht va baliq mahsulotlaridan, tuxum va qo‘ziqorinlardan tayyorlanadi. Taomlar har xil yaxna qaylalar, smetana, o‘simlik yog‘i bilan tayyorlanadi.
Yaxna taomlar tayyorlashda ulami chiroyli qilib bezash zarur. Buning uchun mazkur ovqat retsepturasiga kiruvchi mahsulotlardan, shuningdek, ko‘katlar, yangi va konservalangan bodring hamda pomidordan, rediska, ko‘k no‘xat, limon, zaytun, qisqichbaqa, qaynatilgan tuxum va boshqa mahsulotlardan foydalaniladi.
Yaxna taomlar sexida pazanda mehnatini osonlashtirish uchun turli anjom va moslamalar: shakldor qilib kesish uchun mo‘ljallangan o‘ygichlar, pichoqlardan, tuxum to‘g‘ragich, qoliplar va hokazolardan foydalaniladi.
Yaxna ovqatlarni suzib berish uchun ishlatiladigan idishlar, gazak taqsimchalari, salatdonlar, selyodkadonlar, qayladonlar, rozetkalar, ovalsimon va dumaloq idishlar, ko‘ralar, kremankalar mahsulot turiga mos bo‘lmog‘i, guli esa ushbu taomning bezagi bilan uyg‘unlashib ketmog‘i lozim.
Yaxna taomlar (gazaklar) turi va xomashyosiga ko‘ra buterbrodlar, salat hamda vinegretlarga, sabzavot taomlarga, baliq ovqatlarga va dengiz mahsulotlaridan qilingan taomlarga, go'shtdan hamda go‘sht mahsulot­laridan tayyorlangan ovqatlarga ajratiladi.

Yaxna taomlar tayyorlashda tozalik (sanitariya) qoidalariga qattiq amal qilish kerak, chunki aksariyat mahsulotlar tayyorlanib bo‘lingandan so‘ng endi issiqlik ishlovidan o‘tkazilmaydi. Bu talab tayyorlangan yaxna taomlarni saqlash va sotish muddatlariga rioya etishga ham taalluqlidir. Yaxna taomlar (gazaklar) suzib berilayotganda harorati 10-12 °C bo‘lishi lozim.

50.