Узлуксиз таълим тизимида малакали кадрлар тайёрлаш муаммолари

 
 
 
 
 

---

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
275 
Барча соҳаларда ахборот технологияларининг кириб келиши мавжуд 
қийинчиликларни ечиш имкониятини берди, хусусан билвосита малака ошириш 
ўқитувчиларнинг билим даражаларини оширишга хизмат қиладиган кучли педагогик 
қуролга айланди. Ўқитувчиларнинг узлуксиз малака ошириш фаолиятида айрим 
фанлардан ўқув адабиётларнинг камлиги ўзига хос муаммоларни келтириб чиқаради. 
Бу муаммоларни ахборот технологияларидан фойдаланган ҳолда ўқитувчиларнинг 
узлуксиз малака ошириш фаолиятини бошқариш билан ҳал қилиш мумкин. Шуни ҳам 
таъкидлаб ўтиш керакки, бизда мавжуд бўлган кўпгина ўқув адабиётларни 
интерактив муҳитда, мультимедиа воситаларидан фойдаланган ҳолда яратсак, билим 
олувчиларнинг фанга бўлган қизиқиши, ўзлаштириши янада ошишини тажриба 
кўрсатиб келмоқда.
Шу нуқтаи назардан умумтаълим мактаблари ўқитувчилари билан ижодий 
ҳамкорликда узлуксиз малака оширишни ташкил этишда улар олдида турган 
қуйидаги вазифаларни келтирамиз: 
-ўқитувчи ва ўқувчи фаолиятини замонавий педагогик технологиялар асосида 
миллий таълим тизими қонуниятларига мослаштириш; 
-узлуксиз малака оширишни амалга оширишда ҳар бир ўқитувчини малака 
ошириш жараёнига жалб қиладиган ва креатив фикрлашга ўргатадиган ўқитишнинг 
интерфаол усул ва услубларидан фойдаланиш; 
-узлуксиз малака оширишни ташкил этишда турли хил интерактив усулларни 
қўллаш ва мақсадга эришиш учун инновацион методлардан фойдаланиш. 
Ўқитувчиларнинг узлуксиз малака ошириш фаолиятини бошқариш орқали 
амалда уларнинг ўзлаштирган ва ўзлаштириши лозим бўлган назарий билими, амалий 
кўникма ва малакалари даражасини таҳлил қилиш имконияти ҳамда таълим жараёни 
самарадорлигини ошириш асосида узлуксиз малака ошириш фаолиятининг услубий 
асоси яратилади.