Узбекистон Республикаси Ташки Ишлар Вазирлиги

in genere
деб аталган, ўрни алмаштирилмайдиган ашёлар 
эса
in specie
деб аталган. 
In genere
ашёлар одатдаги иқтисодий ва хўжалик 
жараёнида сони, ҳажми, миқдори билан белгиланган умумий ашёлар 
(масалан, 1 қоп гуруч, 5 кило олма).
In specie
ашёлар эса, ўзининг бир 
қатор хусусиятларига кўра иқтисодий ва хўжалик муомаласида тўла
хусусий ашёни ташкил қилган.
2-§.
Эгалик 
Эгалик тушунчаси ва турлари.
Мулк ҳуқуқи асосида ҳар бир мулкдор
ўзига тегишли бўлган мулкка эгалик қилиш ва шу эгаликдан келиб 
чиқадиган ҳар қандай ҳолатдан фойдаланишни назарда тутадиган plenam in 
re potestatemни қўлга киритган. Лекин шунга қарамай, мулк ҳуқуқининг 
қўлланилиши ҳар доим ҳам ашёга жисмоний эгалик қилиш ва ундан 
бевосита фойдаланишни англатмаган. Бир қатор мулкдорлар вақтинча ёки 
доимий равишда мулк ҳуқуқидан фойдаланган ҳолда ашёга жисмоний 
эгалик қилиш ва ундан бевосита фойдаланиш ҳуқуқидан воз кечганлар: улар 
ўз хоҳишига кўра ашёга жисмоний эгалик қилиш ҳуқуқини ўзга шахсларга
маълум ҳақ тўлаш эвазига беришган. Мулкдорлар ашёга жисмоний эгалик 

---

107 
қилиш имкониятини ашёни бошқа шахсга сақлаб туриш ёки фойдаланишга 
берган пайтда қўлдан бой берганлар. Шунингдек, ашёга жисмоний эгалик 
қилиш мулкдор томонидан ашё йўқотилган ёки ашёни мулкдордан куч 
ишлатиш йўли билан ёки яширинча олиб қўйилган пайтда ҳам барҳам 
топган. Мулкдор томонидан ўз мулкига жисмоний эгалик қилиш 
имкониятининг мулкдорнинг ўз хоҳишига кўра ёки учинчи шахсларнинг
ноқонуний ҳаракатлари натижасида ва қайд этиб ўтилган ҳолларда
йўқотилишидан қатъий назар, мулк ҳуқуқи бузилмас ҳисобланган: 
мулкдорнинг ҳуқуқий ҳокимияти давом этаверган. Мулкдорга фақатгина
possessio 
(ҳокимлик, эгалик ) деб аталган ашё устидан жисмоний ҳокимлик
етишмаган. Мулкка бевосита эгалик қилиб турган мулкдор ёки бошқа
шахслар