Uzbekiston Respublikasi Oliy va urta maxsus ta'lim vazirligi

    Protokoklar  tartibi  –  Protococcales.  Ushbu  tartibning  vakillari  kokkoid 

strukturali  suvo„tlari  bo„lib,  vegetativ  hayoti  davomida  harakatsiz  bir  hujayrali 

yoki kolonial bo„ladi. Ayrim vakillari jinssiz ko„payishda zoosporalar hosil qilsa 

(Suv  to`ri,  Pediastrum),  ayrimlari  -  avtosporalar  (Xlorella,  Stsenedesmus) 

yordamida  ko„payish  xususiyatiga  ega.  Vakillarining  deyarli  hammasi  chuchuk 

suvlarda, tuproqda yoki suv sachratqilarida hayot kechiradi.  

    Koloniyasi makroskopik ko„rinishga  ega bo„lgan  Suv to‘ri (Hydrodiction) 

silindrik  yoki  keng  oval  shakldagi  hujayralarni  o„zaro  birikishidan  yopiq 

qopchaga  o„xshash  to„r  vujudga  keladi.  Suv  to„rining  koloniyadagi  hujayralari 

yirik va ko„p yadroli bo„lib, azotga boy bo„lgan kichik suv havzalarining tubida 

yashil  rangdagi  to„rni  vujudga  keltiradi.  Suv  to„ri  jinssiz  ko„payish  paytida 

vegetativ  hujayralari  juda  ko„p  miqdorda  zoosporalar  hosil  qiladi.  Zoosporalar 

ona  hujayra  ichidan  chiqmasdanoq,  bir-biri  bilan  birlashib,  yangi  to„rchani 

vujudga  keltiradi.  Ona  hujayra  yemirilib,  yangi  to„rcha  tashqariga  chiqadi  va 

mustaqil  hayot  kechiraboshlaydi.  Suv  to„rining  jinsiy  ko„payishi  esa  izogomiya 

yo„li bilan amalga oshib, bunda zoosporalarga o„xshash gametalar hosil bo„ladi. 

Gametalar suvga chiqib, o„zaro  qo„shilishidan zigota vujudga keladi va u biroz 

tinchlik  davrini  o„tgach,  4  ta  zoosporaga  aylanadi.  Zoospora  esa  biroz 

harakatlangandan  so„ng  xivchinini  yo„qotadi  va    qobiqqa  o„ralib,  burchakli 

hujayraga  -  poliedraga  aylanadi.  Poliedra  bo„laklarga  bo„linib,  bir  nechta 

zoosporalarni  hosil  qiladi  va  ular  o„zaro  birikishi  natijasida  kichkina  to„rcha 

vujudga keladi.  

---

14