|
3.3.4.2. Актив ҳолатдаги мобиллик
LTE тизимида АУ нинг «актив LTE» ҳолатида уни икки сота орасида харакатланишида «тескари (ёки башорат қилинган) хэндовер» процедураси амалга ошади. «Хэндовернинг» бу турида «уй» сота АУ нинг статус маълумотларига асосланган ҳолда меҳмон сотани аниқлаб унга АУ учун канал ажратишини сўраб хабар беради. Бундай хабарни олган меҳмон сота керакли канал ресурсини ажратади ва шундан сўнг «уй» сота АУ га «хэндовер» процедурасини бошлашга буйруқ беради.
LTE тизимида RLC протоколининг таъсири eNB тугунигача бўлгани сабабли «пастга» йўналишдаги маълумотларни буферизация қилиш (хотирада сақлаш) eNB да амалга оширилади. Шунинг учун LTE тизимларида eNB тугунлари орасидаги «хэндовер» вақтида маълумотларни йўқолишига қарши механизмларнинг ишлатилиши UMTS тизимларидагига нисбатан каттароқ аҳамиятга эга (чунки UMTS да маълумотларнинг буферизацияси радиотармоқнинг марказий контроллери - RNC да амалга ошади, улар орасида эса «хэндовер» камроқ амалга оширилади). Шу сабаб «хэндовер» жараёнида маълумотлар йўқолишини минималлаш мақсадида LTE тармоқларида икки механизм таклиф қилинган: маълумотлар буферини қайта йўналтириш (рус. переадресация) ва маълумотларни икки марта юбориш (ингл. bi-casting) механизмлари.
Маълумотлар буферини қайта йўналтиришда, «хэндовер» ҳақида қарор қабул қилингандан сўнг «уй» eNB АУ учун мўлжалланган ва буферда сақланган барча маълумотларни меҳмон eNB га Х2 интерфейси ёрдамида жўнатади. Агарда eNB тугунлари орасида Х2 интерфейси ташкил қилинмаган бўлса, у холда АУ га барча маълумотлар ММЕ орқали S1 интерфейси ёрдамида йўналтирилади.
Икки марта юбориш механизмида S-GW шлюзи маълумотларни АУ нинг жойлашиш тасодифи энг юқори бўлган eNB лар гуруҳига («уй» eNB ни ҳам қўшган холда икки ёки кўпроқ eNB ларга) юборади. Айтиб ўтиш жоизки, маълумотларни икки марта юбориш механизми магистрал линияларни анча катта ўтказувчанлигини талаб қилади, лекин маълумотларнинг йўқолишидан тўлиқ кафолатламайди. Катта муаммо маълумотларни юбориш вақтини аниқлашдадир: агар юбориш вақтдан илгари амалга ошса, бу магистрал линияларда юкланишни ошишига, агар кечиктирилса - маълумотлар пакетини йўқолишига олиб келиши мумкин.
Шуларни ҳисобга олган ҳолда, 3GPP лойиҳаси LTE тармоқлари ичидаги «хэндовер» жараёнларида маълумотлар буферини қайта йўналтириш механизмини ишлатишга қарор қилди. Бунда «уй» eNB трафикнинг турига қараб уни қайта йўналтириш бўйича ўзи қарор қабул қилиши мумкин. Мисол учун, агар трафик реал вақт масштабида бўлмаса, қайта йўналтиришда маъно бор, акс ҳолда – бундан маъно йўқ (3.16 - расм).
3.16-расм. LTE тармоғида «хэндовер» жараёни
Шу билан бирга 3GPP лойихаси доирасида RLC контекстини тўлиқ ўтказиш кераkmи ёки ҳар бир «хэндовер» жараёнидан сўнг уни янгилаш кераkmи, деган мунозаралар ўтган. Кўпчиликни фикрича, «хэндовер» пайтида RLC контексти янгиланиши керак, чунки контекстни ўтказиш ўзига яраша қийинчиликлар билан боғлиқ. Лекин RLC контексти янгиланганида АУга тўлиқ узатилмаган хизмат маълумотлар блоклари - SDU (инг. Service Data Units) қайта юборилиши керак бўлади, бу эса радиоинтерфейс ресурсларини самарасиз ишлатилишига олиб келади. Шунингдек, RLC контексти ҳар бир «хэндовер»да янгиланиши билан боғлиқ бошқа бир муаммо ҳам вужудга келади: меҳмон eNB га буфернинг биринчи тасдиқланмаган SDU блокидан бошлаб барча маълумотлари узатилиши кераkmи, ёки фақат тасдиқланмаган SDU блокларни ўзлари холосми. 3GPP лойиҳаси «хэндовер» пайтида фақатгина тасдиқланмаган “пастга” йўналтирилган SDU блоклари меҳмон eNB га узатилишини қарор қилди. АУ да пакетларни тартибга келтириш ва уларни юқорироқ даражаларга узатилишида тартибни сақлаш учун PDCP протоколидаги пакетларнинг тартиб нумерацияси меҳмон eNB да хам давом этиши белгиланган. АУ га йўналтирилган буфер ва контекст маълумотлар eNB тугунлари орасида бевосита янги Х2 интерфейси орқали S-GW шлюзининг иштирокисиз ўтказилади.
Яна бир муҳокама этилган савол - «хэндовер» вақтида АУ контекстини узатишда сарлавхаларни мустахкам сиқиш процедураси – RoHC ни ишлатиш билан боғлиқ бўлди. Маълумот узатиш тезлигини ошириш нуқтаи назаридан RoHC ютуқ беради, лекин бунда инфратузилма мураккаблашади ва тармоқнинг нархи ошади, чунки LTE тизимларида бу процедура eNB даражасида амалга ошгани сабали RoHC нинг янгиланиш тез-тезлиги кўпроқ бўлади ва бу UMTS тармоқларида RNC даражасида тугайдиган PDCP протоколида амалга ошадиган RoHC процедурасидан фарқланади. Бу масалада якуний қарор қабул қилмниши керак.
LTE тармоқлари ва 3GPP бошқа тармоқлари орасидаги «хэндовер» учун SGSN тугуни ва S-GW шлюзи орасидаги абонент сатҳида интерфейс ташкиллаштириш қарор қилинган. Бундай интерфейс сифатида GPRS тармоқларини абонет сатҳида ишлатиладиган тунеллаштириш протоколи (GTP-U) танланган. Гарчи «хэндовер» нинг бундай тури бевосита LTE тармоқларини ичидадагидан кўра камроқ амалга ошсада, 3GPP лойиҳаси бу турдаги «хэндовер» да пакетларни йўқолишини камайтириш усулларини белгилаб берди ва қарорни ёки бевосита eNB дан RNC гача, ёки S-GW ва SGSN тугунлари воситасида ишлайдиган буфер юбориш схемаси фойдасига қабул қилди.
LTE тармоқлари ва бошқа «но-3GPP» тармоқлар орасидаги «хэндовер» учун турли коммутация протоколлари ишлатилади. Шундай қилиб, S2a интерфейси орқали хам тармоқ мухити протоколи - NBM (ингл. Network Based Mobility) ишлатилади, хам хост-машиналарга боғлиқ протоколнинг абонент режими - HBM (ингл. Host Based Mobility) ҳам ишлатилади. Биринчи гуруҳга, масалан, PMIPv6 протоколи (ингл. Proxy Mobile IP version 6) кирса, иккинчисига MIPv4 FA (ингл. Mobile IP version 4 Foreign Agent) протоколи киради. S2b интерфейси орқали фақат PMIPv6 протоколи ишлатилади, S2c интерфейсида ишлаш учун эса афзаллик DS-MIPv6 (ингл. Dual-Stack Mobile IP version 6) протоколига берилган. 3GPP ва «но-3GPP» тармоқлар орасидаги «хэндовер» нинг мобиллик схемаси АУ нинг «хэндовер» пайтида кириб қоладиган мехмон тармоғида АУ «хэндовер» га киргунга қадар у учун ажратилган ресурслар бўлиши (яъни «башорат қилинган хэндовер» режими амалга ошиши) кўзда тутилмаган. Лекин узлуксиз мобилликни ташкиллаштириш бўйича меҳмон тармоқларда ресурслар ажратиш бўйича таклифлар кўриб чиқилган эди.
Do'stlaringiz bilan baham: |
