Ўқув қулланма Тошкент 2011 йил

Мажбурий “хэндовер”
Бу ҳужум актив характерга эга ва сезиларли оқибатларга олиб келиши мумкин. Мажбурий “хэндовер” ҳужуми ҳам аралашмаган LTE тармоқлари ичида, ҳам бошқа 3GPP технологиялари билан аралашган тармоқларда амалга оширилиши мумкин. LTE тармоғи ичида бундай ҳужумни амалга ошириш учун дастлабки тайёргарлик зарур, хусусан, ҳужум қилувчи eNB нинг бир ёки бир нечта тугунларининг очилиши ҳисобига RRC даражасидаги калитларни билиши керак. У ҳолда “очилган” eNB орқали “хэндовер” процедурасини ўтказиш ва маълум бир абонентни ёки ҳатто абонентлар гуруҳини ўзига улаб, кейинчалик уларни алоқасини узиш ҳам мумкин. Аралаш тармоқларда ҳужум қилувчи юқори даражада ҳимояланган тармоқдан (LTE) пастроқ даражада ҳимояланган тармоқ (масалан, GSM) томонига “хэндовер” ни амалга оширади ва “кучсиз” тармоқнинг ТС ни “бузиб” (“очиб”) АУ га турли ҳужумлар қилиши мумкин. Мажбурий “хэндовер” таҳдидларига қарши туриш учун NAS даражасида сигнализацияни шифрлаш, шунингдек умумий калитлардан фойдаланиш мумкин.
Шунингдек, кенг миқёсда ва кўп сонли узатиш хабарларини алмаштириш билан боғлиқ таҳдидлар мавжуд, лекин бу ерда улар ҳақида атрофлича тўхталмаган.

3.7.1.2. Таянч станциялар ва “сўнги миля” транспорт каналларига таҳдидлар

Бу таҳдидлар шунга боғлиқки, мобил алоқа тармоқларининг ривожланиши сари миниатюризация (кичиклаштириш) ва арзонроқ инфратузилма воситаларидан фойдаланиш анъаналари кучлироқ кузатилмоқда, ва бу ТС ларнинг сезиларли заифлашувига ва транспорт каналларининг камроқ ишончлилигига олиб келмоқда. ТС га нисбатан ҳам худди АУ дагидек абонент ва бошқарув сатҳидаги ҳужумлар ажратилади.


Абонент сатҳида пакетларни жорий этиш асосидаги ҳужум
Ҳужумнинг маъноси бепул хизмат олиш учун турли пакетлар кетма-кетлигига қўшимча маълумот пакетларини жорий этишдан иборат. Бундай пакетларнинг жорий этилиши ТС (eNB) даражасида, “охирги миля” каналлари даражасида, ҳамкорлик тармоқлари орқали ёки абонент ускунасини алмаштириш ҳисобига амалга оширилади. Бу таҳдидлардан ҳимоя қилиш учун АУ ва eNB, шунингдек eNB ва S-GW ораларидаги абонент сатҳидаги трафикни шифрлашни қўллаш мумкин.