Ўқув қулланма Тошкент 2011 йил

S-GW - хизмат кўрсатувчи шлюз

Хизмат кўрсатувчи S-GW шлюзи LTE тизимлари доирасида мобиллик учун таянч нуқтаси ҳисобланади. У абонентнинг маълумотлар пакетларини йўналтириш (маршрутлаш) функциясини бажаради, шунингдек, соталар орасидаги “хэндовер”да абонент сатхида мобиллик учун таянч нуқтаси сифатида ишлатилади ва LTE тармоқлари ҳамда бошқа 3GPP технологиялар орасида боғлиқликни таъминлаш (шу билан 2G/3G тизимлари ва маълумотлар узатиш тармоқ шлюзи – P-GW орасида трафик алмашувини таъминлаш) вазифасини бажаради. S-GW шлюзи АУ га тегишли маълумотларни сақлаш ва бошқаришни таъминлайди, яъни IP-канал параметрлари ҳақидаги маълумотлар, маршрутлаш бўйича ички тармоқ маълумотлари ва ҳ.к. Шунингдек, S-GW қонуний ушлаб қолишда (СОРМ) абонент трафиги пакетларини такроран узатишни амалга оширади.

P-GW - пакетли маълумотлар тармоғи шлюзи

Пакетли маълумотлар тармоғи шлюзи бир ёки бир нечта уланиш технологиялари доирасида барча абонентлар учун (уларни мобиллигидан қатъий назар) барқарор IP-нуқтани таъминлаган ҳолда барча уланиш технологиялари учун таянч нуқтаси бўлиб хизмат қилади. P-GW шлюзи АУ учун трафик қабул қилиш ва жўнатиш нуқтаси ҳисобланиб, АУ ва ташқи пакетли маълумотлар тармоқлари ўртасида алоқани таъминлайди. Ҳар бир АУ бир вақтнинг ўзида бир нечта P-GW шлюзлари билан боғлана олади ва шу билан бирга, бир нечта пакетли маълумотлар тармоқларига уланиши мумкин. Шунингдек, шлюз ҳар бир абонент учун ўрнатилган сервислар назоратини ва пакетлар фильтрациясини амалга оширади, тарификация хизматларини қўллаб қувватлайди ва пакетли маълумотларни қонуний ушлаб олиш функциясини ҳамда пакетли маълумотларни “скрининг” (текшириш)ни амалга оширади. P-GW шлюзининг бошқа бир муҳим функцияси бу 3GPP технологиялари ва но-3GPP (WiMAX каби), ёки CDMA-2000 1X, EV-DO каби 3GPP-2 технологиялари тармоқлари орасида мобилликни таъминлаш учун уланишларни ташкил қилишдир.

EPC тармоғининг ёрдамчи ташкил этувчилари қуйидагилардир:

• 
  HSS (ингл. Home Subscriber Server) - Уй (мезбон) абонентлари сервери;
  
• 
  PCRF (ингл. Policy and Charging Rules Function) - Тарификация қоидалари ва сиёсатларни қўллаш сервери;
  
• 
  SGSN (ингл. Serving GPRS Support Node) - GPRS ни қўллаб-қувватловчи хизмат тугуни;
  
• 
  ePDG (ингл. Evolved Packet Data Gateway) - Такомиллашган пакетли маълумотлар шлюзи.