Ўқув қулланма Тошкент 2011 йил

Iu – RNC ва CN ўртасидаги интерфейс;

Uu - Node B билан АУ ўртасидаги интерфейс;

Iur – RNCлар орасидаги интерфейс;

Iub - Node B ҳамда RNC орасидаги интерфейс.

Uu ва Iu интерфейслари икки қисмга бўлинади:

• 
  U-Plane (ингл. User Plane) - транспорт хизматлари ва радиоуланиш тармоғи орқали маълумот узатиш хизматларини амалга оширувчи абонент сатхи протоколлари;
  
• 
  С-Plane (ингл. Сontrol Plane) - радиоуланиш тармоғидаги транспорт хизматларини ҳамда АУ ва тармоқ орасидаги уланишларни, шу жумладан, хизмат кўрсатишга оид сўровлар, узатиш ресурсларини бошқариш, “хэндовер” ва хоказолар бошқарувини амалга оширувчи бошқарув сатхи протоколлари.
  

UMTS стандарти учун радиочастота спектри

Стандарт спецификацияларига кўра, UMTS қуйидаги частоталар спектридан фойдаланади:

• 
  “юқорига” йўналишда 1885MGs - 2025MGs (АУдан БСга йўналишида);
  
• 
  “пастга” йўналишда 2110MGs – 2200MGs (БСдан АУга йўналишида).
  

АҚШда 1900MGs частоталар диапазони бандлиги сабабли, UMTS тармоқлари учун муносиб равишда 1710MGs – 1755MGs ҳамда 2110MGs – 2155MGs полосалар ажратилган.
Бундан ташқари, айрим давлатлар UMTS тармоқларини қуриш учун ўзларининг ички имкониятларидан келиб чиққан ҳолда, давлат доирасида қўшимча частота полосаларини ажратишган (масалан, АҚШда 850MGs, Финляндияда 900MGs).
2004 йилнинг декабрида бутун дунё бўйлаб W-CDMA радиоуланиш технологияси асосидаги тармоқларни жорий этган операторларга жами 120дан ортиқ лицензиялар (радиочастотан фойдаланишга рухсат) берилган эди. Европада лицензия бериш жараёни юқори технологик компаниялар акцияларига талаб кучайган вақтига тўғри келган эди. Буюк Британия ва Германия каби давлатларда, кўплаб мутахассисларнинг фикри бўйича, лицензиялар нархи ўта юқори бўлиб, харажатларни қоплай олмайдиган даражада бўлган. Масалан, Германияда операторлар 6 лицензия учун 50 млрд. евродан ортиқ маблағ сарфлаганлар, ва улардан иккитаси кейинчалик тўлови қайтарилмасдан бекор қилинган (Mobilcom компанияси ва финландияни Sonera ва испанияни Telefonica компанияларининг концорциуми лицензиялари).