Ўқув қулланма Тошкент 2011 йил

Гуруҳли ва кенг-қамровли узатиш
IEEE 802.16e стандартида гуруҳли узатиш (кам ҳолларда, кўп нуқтали ёки кўп узатишли) тушунчаси (ингл. Multicast) ва кенг-қамровли узатиш тушунчаси (ингл. Broadcast) киритилган. Стандартда бу тушунчалар бирлаштирилган ва ягона MBS (ингл. Multicast and Broadcast Service) атамаси ишлатилади. У гуруҳли ва кенг-қамровли узатиш хизматларини аниқлайди. MBS хизматлари иккита бир сайтли MBS (бир ТС дан узатиш) ёки гуруҳли MBS (бир неча ТС лардан узатиш) режимларида SFID тақдим этилиши мумкин ва АУ ҳар иккала режимларни қўллаб қувватлаши керак. MBS узатишлар учун ARQ тескари алоқа механизми кўзда тутилмаган. Олдиндан берилган трафик хоссалари ва QoS ли MBS транспорт оқимларига сервис оқимлари SFID ва мос равишда боғланишлар CID идентификаторлари берилади. Бу идентификаторлар бўйича АУ MBS хизматларни танийди. Бунда агар гуруҳли узатиш хабарларини бир неча АУ лар инкор қила олса, у ҳолда кенг узатишли узатиш хабарларини барча АУ лар қўллаб қувватлаши керак. Муҳимки, MBS хабаларни АУ “уйқу” ва “кутиш” режимларида ҳам қабул қила олади.
Гуруҳли MBS режимида бир неча ТС лар махсус гуруҳни зонани (ҳудудни) ташкил қилади, унинг барча ТС ларига MBS зонасининг идентификатори берилади. MBS зонасидаги барча ТС ва АУ лар ягона CID дан фойдаланади ва барча ТС лар бир частота каналида MBS хабарларни синхрон трансляция қилади (LTE дан SFN бир частотали тармоқларга ўхшаш). Бир сайтли MBS режимида MBS сервисни олиш учун АУ ТС да рўйхатдан ўтказилиши керак. Гуруҳли MBS режимида эса бундай рўйхатдан ўтказиш талаб қилинмайди. Бундан ташқари АУ MBS зонасидаги хеч бир ТС да рўйхатдан ўтказилмаслиги мумкин ва бунда бу сервисни олиши мумкин. Бунда АУ тармоқда бу сервисни олувчи сифатида рўйхатдан ўтказилиши етарли бўлади. АУ ҳақидаги ахборот тармоқ инфратузилмаси орқали таянч станцияларга узатилади. Бунда MBS хизматларни олувчини рўйхатдан ўтказиш тармоқ даражасида амалга оширилади.

5.4. WiMAX тармоғини ташкил қилишнинг ўзига хос хусусиятлари, ишлаш режимлари ва профиллари