ЎҚув методика маркази

Тетиклаштирувчи машқ
“Поезд” ўйини
“Ch” товуши иштирок этган бўғинларни талаффуз қилиш.
Тарбиячи chо, chi, cha, chu, cho’ бўғинларини талаффуз қилиб, болаларга ўзи намуна кўрсатади. Болалар тарбиячи кетидан хўр бўлиб айтадилар.Сўнг якка-якка айттирилади.
Cha- Cha - Cha Chu-Chu-Chu
Cha - Cha - Cha Chu-Chu-Chu
Неча марта қарсак овозини эшитсангиз, шунча Cha бўғинини талаффуз қилинг
Шу тартибда chо, chi, cho’ бўғинлари талаффуз этилади.
Амалий машқ
“Расмларни номланг” машқи
Болаларга олдиларидаги расмларни номлаш ва “Ch” товушини тўғри талаффуз қилиш, сўзни бўғинга бўлиш каби топшириқлар берилади. Болалар сўзда неча бўғин бўлса , шунча марта чапак чаладилар.
Болалар билимини текшириш ва мустаҳкамлаш учун саволлар :
- Бугун қайси товуш билан танишдик?
-У қандай товуш экан?
-Бу товушни нима қиламиз?
- Биз товушларни нима учун ўрганамиз?"
-“Ch” товуши иштирок этган сўзларни айтинг.
-Қайси қиш ўйинининг номида “Ch” товуши бор? (чана)
-Қайси ошхона идишнинг номида “Ch”” товуши бор? (чўмич)
-Қайси қушнинг номида “Ch” товуши бор? (қалдирғоч)
-Қайси ҳайвоннинг номида “Ch” товуши бор? (эчки, чўчқа)


2-машғулот
Мавзу: М.Муродовнинг “Икки хил ёрдам” ҳикояси асосида асарни қайта ҳикоя қилиш
Мақсад:
Асарни қайта ҳикоя қилиш малакасини ўстиришни давом эттириш. Асар воқеаларини сўзлаётганда сўроқ, ҳайратланиш каби овоз оҳангининг турларини қўллай олиш кўникма ва малакаларини ўстириш.
Вазифалар:
Болаларнинг боғланган нутқини ривожлантириш. Сўзлаётганда тўғри нафас олишни ривожлантириш. Сўзларни аниқ ва бурро айтиш. Болаларнинг мазмунли суратлар билан ўйин жараёнида тўлиқ жумлалар тузишларига эришиш.
Кутилаётган натижалар:
Болаларнинг боғланган нутқи ривожланади.
Болалар мантиқий ривожланиб борувчи ҳикоя тузишни ўрганадилар.