ЎҚув методика маркази

Болалар билимини текшириш ва мустаҳкамлаш учун саволлар :

• 
  Суратда қайси фасл тасвирланган?
  
• 
  Нима учун шундай деб ўйладингиз?
  
• 
  Расмда қандай меҳнат турлари тасвирланган?
  
• 
  Болалар нима қилишяпти?
  
• 
  Баҳор фаслида қандай полиз экинлари экилади?
  

Апрел
1-машғулот
Мавзу: “Ch” товушини талаффуз қилиш
Мақсад:
“Ch” товушининг тўғри талаффузини мустаҳкамлаш.
Вазифалар:
“Ch” товушини ўрни аниқлаш: сўз боши, ўртаси ва охирида келишини айтиш,сўзларни бўғинларга ажратиш, “Ch” товушини эшитиб фарқлашга ўргатиш, “Ch” товушли сўзлар билан болалар нутқини бойитиш.
Кутилаётган натижалар:
“Ch” товушининг ундош товуш эканлигини, унинг сўз боши, ўртаси ва охирида келишини билиб оладилар.
“Ch” товушли сўзлар айта оладилар.
Керакли жиҳозлар:
“Ch” товуши бор суратлар
“Бўғинлардан сўз тузинг» таълимий ўйин учун материаллар
Машғулотнинг бориши:
Тарбиячи: бугун болалар “Ch” товуши ҳақида суҳбатлашамиз. “Ch” ундош товуш. Товушни эшитамиз, талаффуз қиламиз. Диққат билан эшитинг “Ch” товушини талаффуз қилганимда чапак чаласиз.
- “Ch” “r”, “l”, “Ch”, “a”, “o”, “u”, “Ch”, “sh”, “z”, “Ch” …..
- “Ch” товушига оид сўзлар топишга ҳаракат қиламиз: чамадон, чойнак, чанғи, қўғирчоқ, ручка, чўмич, эчки, печка (болалар қийналсалар расм кўрсатиш мумкин)
- Айтилган сўзлардаги “Ch” товушини ўрнини аниқлаймиз.
Мен айтаман, сиз аниқлайсиз: choy-nak. Мен шу сўзни қайта айтаман, сиз биринчи товушни айтасиз:ch-ch-choy-nak, Демак, choy-nak сўзида “Ch” товуши сўзнинг бошида келяпти; мен бошқа сўзни айтаман, сиз “Ch” товушини ўрнини аниқланг: to’y-chi, демак, to’y-chi сўзида “Ch” товуши сўзнинг ўртасида келяпти. Мен бошқа сўз айтаман диққат билан эшитинг:cho’-mich демак, cho’-mich сўзида“Ch” товуши сўзнинг охирида келяпти.
Энди ўзингиз мустақил “Ch” товуши иштирок этган сўзларни топинг ва ўрнини аниқлашга ҳаракат қилинг. Болалар айтган сўзларини чапак чалиш орқали бўғинларга бўладилар. (чой, чол, чана, чимоли, чақалоқ)